O calcio ye un elemento quimico, de simbolo Ca y de numero atomico 20. Ye un elemento quimico esencial ta a vida. Se calcula que entre un 1,5% y un 2% d'o peso d'una persona ye calcio, d'o que o 99% se troba en os uesos y a resta en teixitos y fluidos corporals intervenindo en o metabolismo celular.
En a parla vulgar se fa servir a voz calcio ta referir-se a las suyas sals (por eixemplo ista augua tien muito calcio; en as canyerías se deposita muito calcio, etc.)
Caracteristicas prencipals O calcio ye un metal alcalinoterrio blando, maleable y dúctil que se crema con flama roya formando oxido de calcio y nitruro. As superficies recients son de color blanco archent pero se fan mas palidas a escape tornando-se licherament amarillencas exposatas a l'aire y en zaguerías de color grisa u blanca por a formación de l'hidroxido de calcio en reaccionar con a humedat ambiental. Reacciona violentament con l'augua ta formar o hidroxido Ca(OH)2 desprendendo hidrocheno.
Aplicacions Achent reductor en a extracción d'atros metals como l'uranio, zirconio y torio. Desoxidant, desulfurizador, u descarburizador ta diversas aliacions ferrosas y no ferrosas. Achent d'aliación emplegato en a producción d'aluminio, berilio, arambre, plumo y magnesio.
Referencias
Vinclos externos
Insitituto Nacional de Salut Infantil y Desarrollo Humán, EE.UU. Enciclopedia Liure - Calcio webelements.com – Calcio environmentalchemistry.com – Calcio
Categoría:Elementos quimicos Categoría:Metals alcalinoterrios