L'"Himno d'Aragón" ye por a lei de 3/1989 d'o 21 d'abril (BOA 05/05/1989) un d'os simbolos oficials d'Aragón.
A musica ye d'o compositor aragonés Antón García Abril y achunta la mas antiga tradición musical aragonesa con elementos musicals populars adintro d'una nueva y moderna concepción que le da un caracter vivo y de plena actualidat.
As parolas fuoron escritas por os poetas aragoneses Ildefonso Manuel Gil, Ángel Guinda, Rosendo Tello y Manuel Vilas y i destacan valors como a libertat, a chusticia, a razón, a verdat y a tierra ubierta que historicament representan a expresión d'Aragón como pueblo.
L'articlo 2 d'a dita lei diz: L'Himno d'Aragón habrá d'estar interpretato en aquels actos oficials de caracter publico y especial significación organizatos por a Comunidat Autonoma y por as entidaz locals aragonesas. Una disposición transitoria contenita en ista mesma lei deciba que o himno tamién poderba ser interpretato con letra en cualsiquiera d'as atras modalidaz lingüisticas d'Aragón.
O día 22 d'abril de 1989 en o Patio de Santa Isabel d'o palacio de l'Alchafaría se realizaba la primera interpretación de l'Himno d'Aragón.
Parolas de l'Himno d'Aragón
Vinclos externos Web d'As Corz d'Aragón - Himno d'Aragón 15px L'himno nacional
Categoría:Cancions con letra d'Ángel Guinda Categoría:Cancions con letra d'Ildefonso Manuel Gil Categoría:Cancions con letra de Manuel Vilas Categoría:Cancions con letra de Rosendo Tello Categoría:Cancions con musica d'Antón García Abril Categoría:Cancions d'Aragón Categoría:Cancions de 1989 Categoría:Cancions en castellano Categoría:Himnos nacionals Categoría:Simbolos d'Aragón