Más Birras estió un grupo de rock de Zaragoza, liderata por Maurizio Aznar, que existió dende l'anyo 1985 dica l'anyo 1993. Más birras brincó a la fama dende o Diario Pop de Jesús Ordovás en Radio 3 con a suya canción "Apuesta por el rock and roll", parte d'o mini-LP "Al este del Moncayo".
O grupo yera compuesta por Maurizio Aznar (guitarra y voz), Miguel Mata (baixo) y Víctor Jiménez (batería) y Mariano Ballesteros (saxo) (una incorporación posterior) y contó con a constant colaboración d'o musico y compositor aragonés Gabriel Sopeña. Plegó a gravar cinco vegadas durante a suya curta historia. Amás d'a canción citada antis, produció atras magnificas como "Cass, la chica más guapa de la ciudad".
Dimpués d'a suya zaguera gravación en 1992 (Tierra Quemada), o grupo disapareixió en 1993, y os suyos components continaron camins separatos. O suyo lider, Maurizio Aznar, creyó Almagato, grupo en o que continaba treballando cuan morió en 2000.
Discografía Al este del Moncayo, mini-LP, 1987. Otra ronda, mini-LP, 1988. La última traición, LP, 1991. Tierra Quemada, LP, 1992. Más birras (1985-1993) recopilatorio postumo.
Versions Héroes del Silencio versionó y popularizó a canción "Apuesta por el Rock and Roll". D'atra man, Bunbury fa un atro homenache a iste grupo en o suyo disco " El viaje a ninguna parte" gravando a canción "Voces de Tango". Amaral tamién tocó o suyo tema "Tren de medianoche" en bels directos en acustico. Mallacán fació una versión d'a canción "Hay una cruz en el saso" en o suyo disco "Chera, chera".
Vinclos externos Pachina oficial d'o grupo, con biografía, letras y fotos
Categoría:Grupos de musica rock Categoría:Grupos de musica d'Aragón