O paladio ye un elemento quimico de numero atomico 46 situato en o grupo 10 d'a tabla periodica d'os elementos. O suyo simbolo ye Pd. Ye un metal de transición d'o grupo d'o platín, blando, dúctil, maleable y poco abundant. Ye parellán quimicament a o platín y se quita de bellas menas d'arambre y níquel. S'emplega mas que mas como catalizador y en choyería.
Caracteristicas prencipals left|thumb|Paladio. O paladio ye un metal blanco-archent parellán a o platín, no s'oxida con l'aire, y ye o elemento d'o grupo d'o platín de menor densidat y menor punto de fusión. Ye blando y dúctil en fer-lo calentar, augmentando considerablement a suya dureza y resistencia en treballar-lo en fredo. Puet disolver-se en acido sulfurico, H2SO4, y en acido nitrico, HNO3. Tamién se puet disolver, encara que lentament, en acido clorhidrico (HCl) en presencia de cloro u oxicheno.
Puet absorber grans cantidaz d'hidrocheno molecular, H2, a temperatura ambient (dica 900 vegatas d'o suyo volumen), lo que s'emplega ta purificar-lo.
Os estaus d'oxidación mas comuns d'o paladio son +2 y +4.
Referencias
Categoría:Elementos quimicos Categoría:Metals de transición Categoría:Metals preciosos