Las conchuncions concesivas en aragonés se fan servir en la subordinación pa introducir unas proposicions que s'oposan a l'acción principal expresada en la oración principal. Estas proposicions indican una consecuencia inesperada u no deseyada, ye dicir, una complicación.

Maguer que / maguera que En aragonés medieval una de las conchuncions concesivas de mayor emplego yera maguer que u maguera que, derivada d'un helenismo en latín. L'adchectivo griego macarios ("afortunau") se feba servir en vocativo (macarie) pa felicitacions con significau pareixiu a "parabiens", "n'hora buena", y evolucionó dimpués enta una intercheccions y conchuncions concesivas en latín vulgar y las luengas romances que en salioron. Rafael Lapesa. Historia de la lengua española. Editorial Gredos. 1981, p 60.

Esta conchunción yera muito común en aragonés y castellano medievals, pero dende lo sieglo XV encomenzó a estar substuida por atras conchuncions concesivas como aunque. Javier Terrado Pablo: La lengua de Teruel a fines de la Edat Media. Instituto de Estudios Turolenses, 1991. p 116.

Anque / onque La conchunción anque puede ir seguida d'un verbo en modo subchuntivo si indica posibilidat (feito hipotetico u dubdoso) u en modo indicativo si indica un feito que no se puet cambiar (feito real). Si se describe una situación pasada u una ideya firme ye natural un verbo en indicativo.

La conchunción aunque ye documentada ya en lo Vidal Mayor y en lo Fuero de Navarra, pero ye dende lo sieglo XV que encomienza a suya expansión a costa d'atras conchuncions concesivas, documentando-se esta conchunción y no maguer que en l'aragonés teruelano de lo sieglo XV:

La forma anque ye la mes estendillada en aragonés y se documenta dende Ansó dica Ribagorza Baixa, podendo coexistir con las atras formas en bella zona, como en Bielsa: Anque vivís doscientos anyos no'l veyerí Chabier Lozano Sierra, Ánchel Loís Saludas: Aspectos morfosintácticos del belsetán, 2005, Gara d'Edizions, pp 150-151.. Me'n he d'ir a ixe puesto encantau...anque'l camino seiga esbarizoso,... Bienvenido Mascaray Sin: Benas, trallo y fuellas: poemas en aragonés ribagorzano de Campo. Editor: Publicazions d'o Consello d'a Fabla Aragonesa, 1984. ISBN 8486036054, 9788486036058. p 96. (aragonés meyo-ribagorzano de Campo). Anque estoi qu'ixe instrumento no vale gran cosa güena Francho Nagora Laín: Replega de testos en aragonés dialeutal de o sieglo XX: (materials ta lo estudio de l'aragonés popular moderno). Editorial: Departamento de Cultura y Educación d'a DCHA, 1987, p 189.. (aragonés belsetán). Anque encá ye luego, cal dar güelta a'l ganau BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN978-84-8094-061-0, p 80..

La forma onque se da en Bielsa y en Ribagorza Baixa. Tamién se documenta en Campo, pero con usos no concesivos. Onque se'n fue la luz nos podiemos apanyar con tiedas. Pos yo millor voi con burros onque despaciet Prosa y verso de Tonón de Baldomera, Instituto de Estudios Altoaragoneses, Uesca, 1983, p 22., (aragonés baixorribagorzano de Graus).

Encara que La forma enca(ra) que se documenta en Bielsa, Chistau y Ribagorza Meya, y ye común con lo catalán y l'occitán, presentando un claro equivalent en lo francés encore que. No podrían fer-lo encara que queresen (aragonés chistabín). Me'n he d'ir a ixe puesto encantau...encara que perda uesos y carne (aragonés meyo-ribagorzano de Campo). No le'n diré encá que tiengo buenas ganas.

Mesmo si / mismo si La conchunción mesmo si va seguida d'un verbo en infinitivo y equivale a la conchunción anque seguida d'un verbo en subchuntivo. Tiene lo suyo cognato en lo francés même si y se presenta en benasqués como mismo si: Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 331.

A pesar de que La locución conchuntiva a pesar de que se fa servir con feitos reals y equivale a los emplegos de anque con indicativo.

Atamas que / por muito que La locución conchuntiva atamas que indica que un impedimento no evita una acción Fernando Romanos Hernando: Al límite. La pervivencia del aragonés en las comarcas del norte de Zaragoza. Diputación de Zaragoza, 2003.. Ye propia de l'aragonés occidental, en aragonés oriental se puede recurrir a por mas que / per mes que, por muito que / per molto que, y mesmo a anque/encara que. Atamas de lo que digas lo feré. Atamas que me lo digas no lo entiendo. Per mes que se i fague no'n ha de salre José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003, p 297.. Per molto que pllougue no serà prou.

Empero En aragonés medieval teneba uso como conchuncion concesiva empero:

Ya sía que La locución conchuntiva ya sía que se troba a sobén en aragonés medieval:

Referencias

Bibliografía Javier Terrado Pablo: La lengua de Teruel a fines de la Edat Media. Instituto de Estudios Turolenses, 1991. Chabier Tomás Arias: El aragonés del Biello Sobrarbe. Instituto de Estudios Altoaragoneses, 1999. . BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN978-84-8094-061-0 Francho Nagore: Gramática de la Lengua Aragonesa. Zaragoza. Mira Editores. 1989. Rafael Lapesa: Historia de la lengua española. Editorial Gredos, 2001. Próspero de Bofarull y Mascaró, Manuel de Bofarull y de Sartorio, Francisco de Asís de Bofarull y Sans: Colección de documentos inéditos del Archivo General de la Corona de Aragón, Volumen 38. Editor: J.E. Montfort, 1870.

Concesivas Aragones