As luengas chermanicas son una branca de luengas d'a familia indoeuropea.
Fonetica
A lei de Grimm ye important pa explicar as evolucions foneticas dende o proto-indoeuropeu a lo proto-chermanico. Ye caracteristica a evolución d'a P- inicial indoeuropea enta una f-, y d'esta traza en anglés tenemos as palabras fish, father, foot, farrow, cognatos de l'aragonés peix, pai, piet y puerco. Atras parolas anglesas que encomienzan por f- y que derivan de radices proto-indoeuropeas con P- inicial son fare ("tarifa", "preu de billet"), fetch ("trayer", "ir a escar"), flee ("fuyir"), forehead ("frent"). En aragonés o galicismo flotar provién d'o francico *flotōn y d'o proto-chermanico *flutōną, que amuestra a mesma lei fonetica a partir d'a radiz proto-indoeuropea *plew-, *plōw-, radiz relacionada con "plevia" y "plever".
Morfolochía En as os verbos d'as luengas chermanicas se puet fer distinción entre verbos fuertes y verbos febles.
Os verbos fuertes derivan d'os verbos proto-indoeuropeus y presentan cognatos en as atras luengas indoeuropeas. Presentan gradación vocalica (ablaut indoeuropeu) pero tamién pueden presentar reduplicación. En anglés tenemos o verbo break con as formas broke y broken, verbo derivau d'o chermanico *BREKAN y relacionau con a radiz indoeuropea *bhreg como o latín FRANGO Edward A.Roberts: Diccionario etimológico indoeuropeo de la lengua española. Alianza Editorial, 2001. p 30. ("crebar" u "trencar"), FRAGMENTUM y FRAGILIS.
Os verbos febles u consonantals son verbos que fan servir un sufixo dental pa fer o tiempo pasau, sufixo con -t- u -d-. En proto-chermanico tals verbos no tienen alternancias vocals u ablaut en a radiz. En anglés os verbos regulars que fan o pasau regular con -ed derivan d'estos verbos febles chermanicos, y tamién uns cuantos os verbos irregulars como to tell y to keep, que tienen consonants dentals en os suyo pasaus told y kept.
Clasificación Se veiga Clasificación d'os idiomas chermanicos.
Referencias
*