Txirigol ye un grupo aragonés de musica en catalán, formato en a comarca d'o Matarranya. O suyo estilo musical ye o posthardcore.
Historia
En o verano de 2006 José Luis y Marc, as d'os guitarras d'o grupo, prencipian a tanyer chuntos, fendo versions de clasicos con l'obchectivo de gravar una canción que apareixese en o disco Sons del Matarranya. A l'arreu d'ells bi dentró un baixo, con ixa formación y as colaboracions d'un violinista (Lecha) y una cantaire (Rakel), gravón a canción Paranoia.
Dimpués d'a experiencia d'a gravación, os tres deciden continar enta debant con o prochecto completando o grupo, ta isto fan venir a plego a l'antigo batería d'Artrosis y a una cantaire de hotas. Con o grupo completo ferán l'enguero suyo en o Festival Kodorock 08 que organiza l'Associació Cultural Casa Nostra de La Codonyera.
As ganas d'aproveitar l'inte y a sabor d'os conciertos fan que o grupo grave en 2009 o suyo primer y solo treballo dica huei. Flors postnuclears salió ta a carrera baixo licencia Creative CommonsTxirigol. Baixar u ascuitar de jamendo.com y fue editau de conchunta por Magofermin y l'Associació Cultural del Matarranya (ASCUMA).
Nombre O Txirigol ye un plato a base de carbaza tipico de La Codonyera, atros lugars de l'este d'a comarca d'o Baixo Aragón, y de tota a comarca d'o Matarranya
Discografía Flors postnuclears (2009)
Vinclos externos Pachina oficial Txirigol en magofermin.org
Referencias
Categoría:Grupos de musica d'Aragón Categoría:Grupos de musica en catalán