Pablo Rivadulla Duró (9 d'agosto de 1988 de Leida, Segrián, Catalunya), conoixito tamién como Pablo Hasél Ensslin, y artistica y popularment como Pablo Hasél, ye un rapero y poeta comunista leidano.
Biografía Pablo Hasél naixió en Leida (Segrián, Catalunya) en 9 d'agosto de 1988. Ye fillo de l'expresident d'a Unió Esportiva Lleida.
Enguera en o mundo musical rapero l'anyo 2006 con a contrimuestra Esto no es el paraíso (Isto no ye o paradiso), encara que no sería dica 2007 cuan quita os suyos dos primers treballos: Miedo y asco en Ilerda (Medrana y fastio en Ilerda) y, meses dimpués, Trastorno Tripolar (Trestuque Tripolar).
Encara que en primerías fa servir a embotada de Hasél, emplegará dimpués a embotada de Pablo Hasél u Pablo Hasél Ensslin.
Procesos chudicials y detencions Pablo Hasél fue detenito en Leida o 4 d'octubre de 2011 por a policía espanyola acusato de fer apolochía d'o terrorismo en as parolas d'as suyas cancions, y ninviato ta l'Audiencia Nacional d'Espanya. O día siguient, dimpués d'haber-ie declarato, fue deixato en libertat con cargos.
Conoixita a detención, un grupo de solidaridat surtió espontaniament demandando a inmediata libertat de l'artista leidano. O manifiesto en favor de l'encausato, promovito y espardito por At Versaris ye estau sinyato por un camatón de grupos como Obrint Pas, Els Pets, Los Chikos del Maíz, Orxata Sound System, KOP u Komando Noguera, y tamién por particulars como o chugador de fútbol Oleguer Presas, entre atros.
Dimpués de cualques procesos chudicials y condenas l'1 de chinero de 2021 l'Audiencia Nacional decretó o suyo ingreso en presón, condenau a nueu meses y un diya por apolochía d'o terrorismo, pena que se suma a atras que teneba d'antis. A suya detención o 16 de febrero fació que en cualques ciudats habió convocatorias de movilizacions en o suyo reafirme y ta la suya liberación.
Estilo Pablo Hasél fa una contina actividat gravando temas que le ha levato a haber mas de 15 maquetas. Seguntes diz: "Grabo a escape y no pierdo o tiempo escoscando-me".
En as suyas cancions tracta tres temas: critica social y rap antisistema. Temas sentimentals y personals. Temas a on que s'en ride de tot y a él rai.
Toz os suyos treballos se troban de gufanya en internet en webs dedicatas a o hip hop como hhgroups.com.
Discografía (maquetas) Esto no es el paraíso (demo). Miedo y Asco en Ilerda (re-editata con o títol Ilerda rima con mierda). Trastorno Tripolar. Desde el abismo se goza de las mejores vistas. En Ningún Lugar pero Aquí (con Zyon Revol). No me Joda Doctor. Descuartizando resacas. Quemando la vida. Cuando el tiempo no nos tocaba las ilusiones. Se lo vomite al viento mientras ella se drogaba con otro. Inéditas por Culpa de Aileen Wuornos. Banquete de larvas (contrimuestra). El Che disparaba. Siempre perdidos 1. Siempre perdidos 2. Solos en medio del misterio infinito (poemas). Polvo y Ceniza. Un Café con Gudrun Ensslin. El Infierno sería verlos mas allá. Crucificado en tu clítoris.
Vinclos externos
Pablo Hasél en myspace. Canal de Pablo Hasél en Youtube. Canal de Pablo Hasél TV en Youtube. Información en hhgroups.com. Información en Kaosenlared.net. A noticia d'a suya detención en El Periódico de Aragón. Atra noticia en El Periódico de Aragón
Categoría:Rapers de Catalunya Categoría:Cantaires en castellano Categoría:Naixius de Leida Categoría:1989 (naixencias)