JahSta Reggae Band (u simplament JahSta) ye un grupo aragonesa de musica reggae, naixida de Zaragoza en 1996.
Biografía El grupo se fa en 1996 y consigue vender dos mil copias d'a suya primer maqueta Rasta es el futuro.
En l'anyada 2000 editan o suyo primer CD Jah'sta, que contó con a producción de Tony López (Ska-P) y les levó a estar conoixius y actuar en buena cosa de festivals.
En chulio de 2003 editón o suyo segundo CD baixo o títol El mensaje, gravau en os estudios Loud&Lone de Santander. O tamién artista zaragozano Rapsusklei grava con éls en iste disco Niños del Ghetto, un d'os himnos d'os directos d'o grupo. El mensaje consolida a lo grupo adintro d'a escena reggae estatal, actuando en arrienda festivals y fendo colaboracions con grupos como Violadores del Verso, Dani Ro u en o prochecto D.A.B. de Héroes del Silencio.
En 2008 quitan ta a carrera Legado, o suyo tercer CD. Igual como en l'anterior treballo, o rapero y amigo d'a banda Rapsusklei bi colabora con a canción Intolerancia.
Con istos cuatro treballos (tres discos y una maqueta) y bels cambios en a formación, gravan en 2010 Directo en Lagata, o primer DVD d'a banda. Fue gravau en o Lagata Reggae Festival, festival de musica reggae d'o lugar aragonés de Lagata (Campo de Belchit) y penchau en o ret.DVD Directo en Lagata 2010 en vimeo.com
Backing band Amás d'a suya trachectoria propia como banda, cal decir que han colaborau con cantaires como Swan Fyahbwoy, Zergiote, El Rookie u Rapsusklei (a qui acompanyón en una chira) levando a base ritmica d'os suyos directos.
Discografía Maquetas Rasta es el Futuro (1996) Discos Jahsta (1999) El Mensaje (2003) Legado (2008) DVD Directo en Lagata (2010)
Se veiga tamién Muffin Records Rapsusklei
Vinclos externos JahSta en myspace.com
Referencias
Categoría:Grupos de musica reggae Categoría:Grupos de musica d'Aragón