Criatura ye un grupo de rock establito en 1999 en Zaragoza (Aragón).
Historia A banda prencipió en 1999 con nomás un cantaire. Seis meses dimpués adhiben una segunda voz, mantenendo ista estructura vocal dica l'actualidat como un d'os cenyos mas particulars d'o suyo soniu.
O suyo primer treballo apareixe en 1999. Mala Raza edita un CD compartiu con Criatura, Visión Túnel y Le fil d'Ariane, collas con que compartiban local d'ensayo y bels miembros. Iste primer treballo les fació honra ta ir-se-ne de chira por Europa.
En aviento de 2002 graban Gente sin fábricas, o suyo primer CD/LP que apareixe editau por Mala Raza en 2003. Iste treballo estió reeditau en formato vinilo de conchunta con os siellos Tofu Guerrilla d'Alemanya y 213 Records de Francia, tamién apareixió en cassette en Chile por Desligamiento Rec.
Mientres o verano de 2004 graban cualques cancions nuevas que son publicadas en dos compartius en as anyadas 2005 y 2007, la uno con Disface, y l'atro con Politburó.
En 2007, dimpués de que Super sustituyise a Pollo en a batería, graban o LP Verde, editau de conchunta por Mala Raza, Tofu Guerrilla y DDT. Iste treballó estió reeditau en Ecuador por Maca Ataca y en Polonia por The Fight en formato cassette.
O lunes 10 d'octubre de 2011 se presentó en l'Arrebato de Zaragoza o suyo zaguer treballo Trampas, con un concierto que encetó una breu chira de presentación. Iste treballo estió editau por Magofermin, Mala Raza, Go! Mongo Records y Tofu Guerrilla.
Toda a discografía d'a banda ye editada libre de dreitos y puede baixar-se y ascuitar d'o ret.Discografia en jamendo.com
Discografía LP Gente sin fábricas (2003). Verde (2008). Trampas (2011).
Split Compartiu con Visión Túnel y Le fil d'Ariane (1999). Compartiu con Politburó (2005). Compartiu con Disface (2007).
Vidios Vidio d'a canción A tu manera no en directo, 2011
Vinclos externos Blog oficial. Criatura en myspace.com.
Referencias
Categoría:Grupos de musica rock Categoría:Grupos de musica d'Aragón