300px|thumb|Tuca de la Maladeta, o cabalto d'o Pireneu axial. O Pireneu axial ye a part mes antiga d'os Pireneus y ye constituito por un nuclio paleozoico plegau en a orochenia herzinica, y a suya extensión en o centro d'os Pirineus va dende Navarra dica o Cap de Creus, correspondendo a las cabeleras d'as vals de Tena, Ara, Bielsa, Benás, Barrabés y Aura. A l'este d'o Cap de Creus contina baixo o livel d'a mar. En l'Alto Aragón as altarias mes grans corresponden a lo Pireneu axial: Aneto, Tuca Lardana, Moros y Comachibosa.
O suyo plegamiento se desvinió entre Westfaliense y o Estefaniense, formando-sen napas tectonicas, intruindo magmas que orichinoron grans plutons de rocas granitoides, y producindo-se un metamorfismo intermedio de baixa presión. Os materials d'edat Estefaniense y Permico se depositoron en etapas de fracturación post-orochenicas, destacando as molasas, acompanyadas en bels puestos por rocas volcanicas (andesitas).
Litolochía Bi ha rocas sedimentarias como calsineras y piedras panals, rocas plutonicas, (destacando as rocas graniticas que constituyen grans batolitos como os de La Maladeta y Pandicosa), y rocas metamorficas (destacando as rocas formadas por metamorfismo de contacto como márbols, losetas tacadas, quarcitas, y cornianas).
As rocas sedimentarias paleozoicas cubren discordantment o Precambrico, y se dividen en dos conchuntos: paleozoico inferior y paleozoico superior. Os materials paleozoicos inferiors corresponden a lo Cambrico, Ordovicico y Siluriano, son de naturaleza detritica y depositaus a gran fondura, interpretando-sen como turbiditas en bels casos. Os materials paleozoicos superiors corresponden a lo Devonián y Carbonifero y presentan rocas sedimentarias de menor fondura y con mayor variedat (calsineras arrecifals, series paralicas y series lacunars).
Cheolochía estructural Bi ha estructuras formadas en a orochenia herzinica difícils d'estudiar por haber-se-ie superposau a orochenia alpina.
Lista de macizos, sierras y monts d'o Pireneu axial 250px|thumb|right|Mapa d'o Pireneu axial. Texto en francés. Macizo de Cinco Villas. Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995, pp 273-282. Sierra d'Eracurri. Sierra de Lozaite. Mont Mandoegui. Macizo de Quinto Real. Macizo d'Oroz-Betelu. Monts d'Areta. Macizo d'Anayet. Antonio Higueras Arnal (coordinador): Geografía de Aragón Tomo I. Editorial Guara. pp. 25-27. Macizo de Comachibosa u de Vinyamala. Macizo de Pico Moros u de Balaitús. Macizo de Pandicosa. Sierra de Sandaruelo. Sierra de Marqués. Sierra de Liena. Sierra Pelada. Sierra de Picaruela. Macizo de Posets. Macizo de la Maladeta. Macizo de Perdiguero. Sierra de Llauset. Sierra Negra. Sierra d'Espals. Sierra de Peranera. Sierra de Sant Martí. Sierra de Corronco. Sierra de Ruisou. Montseny de Pallars. Macizo de Boí. Serrat d'Arros. Sierra d'Arenyo. Macizo de Beret. Macizo de l'Orri. Sierra de Monteixo. Sierra de Saloria. Sierra de l'Orri. Macizo de Bosost. Macizo de Puig Pedrós-Port Negre. Sierra de l'Esquella. Sierra de Santa Ana. Sierra de la Valleta. Sierra de la Tuta. Macizo de Puigmal-Costabona. Sierra d'Artigue. Sierra Cavallera. Sierra de Faitús. Sierra de Costabona. Sierra de Catllar. Sierra de Fembra Morta. Macizo de Canigó. Puig d'els Bufadors. Sierra de Roda. Sierra d'Estella. Baga d'en Ferrant. Sierra de Balmeta. Sierra de Gisbert. Sierra de l'Albera.
Referencias
Bibliografía Ánchel Belmonte Ribas: Guía geológica del Pirineo, Editorial Pirineo, 2003.
*