thumb|250px|Imachen d'o manuscrito de Mikhail Lomonossov a on apareixe por primera vegata en 1752 o termin "Quimica fisica".
A quimica fisica u a fisicoquimica ye una branca d'a quimica que estudia os conceptos d'a quimica dende un punto d'anvista fisico.
D'alcuerdo con o quimico estausunidense de renombre Gilbert Lewis, "A Quimica fisica ye cualsiquier cosa interesant", probablement referindo-se a o feito de que muitos fenomenos d'a naturaleza relacionatos con a materia son de prencipal intrés en a quimica fisica.
A fisica quimica representa una branca a on bi ha una combinación de cuantas ciencias, como a quimica, a fisica, a termodinamica, a electroquimica y a mecanica cuantica a on as funcions matematicas pueden representar interpretacions a ran molecular y a ran atomico. cambios en a temperatura, presión, volumen, calor y treballo en os sistemas, solido, liquido y/u gaseoso se troban tamién relacionatos con istas interpretacions d'interaccions moleculars.
O quimico estausunidense d'o sieglo XIX Willard Gibbs ye tamién considerato o pai fundador d'a quimica fisica, ya que en a suya publicación de 1876 dita On the Equilibrium of Heterogeneous Substances (Estudio sobre o equilibrio de substancias heterochenias) parla sobre termins com enerchía libre, potencial quimico, u a regla d'as fases, que anyos dimpués serían obchecto d'intrés en o estudio d'ista disciplina.
A quimica fisica moderna tien as suyas bases en a fisica pura. Arias d'estudio muit importants en ista incluyen a la termoquimica (termodinamica quimica), cinetica quimica, quimica cuantica, mecanica estatistica, electroquimica, quimica d'o estato liquido, quimica coloidal, quimica de superficies y espectroscopia. A quimica fisica fa parti fundamental en o estudio d'a ciencia de materials.
Bibliografía Gibbs, Willard. On the Equilibrium of Heterogeneous Substances, 1876. Atkins, P. W. Physical Chemistry. Oxford University Press, 1978. . Díaz Peña, M. y A. Roig Muntaner. Química Física. Editorial Alhambra, 1984 Madrid. . Hunter, R. J. Introduction to Modern Colloid Science. Oxford University Press. 1993. . Laidler, K. J. The World of Physical Chemistry. University Press, Oxford, 1993. Bertran Rusca, J. y J. Núñez Delgado. Química Física. Editorial Ariel, Barcelona, 2002. . Revistas especializadas Journal of Physical Chemistry A. Revista estausunidense editada por a American Chemical Society. ChemPhysChem. Revista europea editada por Editorial Union of Chemical Societies. Physical Chemistry Chemical Physics, Revista de Reino uniu editada por a Royal Society of Chemistry desde l'anyo 1905, conoixida d'antis mas como Faraday Transactions.
Vinclos externos
*