Iste articlo tracta sobre o corral, recinto a on se zarra animals en os poblaus. Ta atros usos de «corral» se veiga corral (desambigación). thumb|right|250px|Una muller les da grano a las gallinas d'un corral. Un corral (d'o latín < *CURRALE) Rosa María Castañer Martín:Estudio del léxico de la casa en Aragón, Navarra y Rioja, Gubierno d'Aragón, 1990, , p.293 ye un recinto a on que se zarra animals domesticos ta o suyo mantenimiento, en as inmediacions d'una casa u belatra construcción, cuasi siempre en l'interior u os arredols d'una población.
O corral puede quedar delimitau por parez, por baranas u por belatras construccions que i haiga arredol. En l'actualidat ye frecuent que s'emplegue baranas de tela metalica ta zarrar-los, especialment cuan os animals que i ha son de mida chicorrona (gallinas, conillos, pavos) y brincarían por d'entre as latas d'una cleta u cercau si tenese unatra forma. O conchunto d'aus de corral d'una casa ye a volalla. Ballarín Cornel, A: Diccionario del Benasqués, Institución Fernando el Católico, Zaragoza, 2ª ed (1978). p 84.
En l'Alto Aragón ye muit frecuent, sobre tot en as casas antigas, que o corral se comunique obierto con a cuadra u con as zolles (que tamién frecuentment son en os baixos de a casa), de forma que se facilita a dentrada y a surtida d'os animals cuan les vaga, y que disposen de cubillo contra l'orache.
Imáchens
Referencias
Se veiga tamién Cort. Volalla. Zolle.
Vinclos externos
Categoría:Construccions agropecuarias