250px|thumb|Tormacal en la Selva de Fontainebleau. 250px|thumb|Tormacal de la Selva de Fontainebleau visto dende las foces de Franchard. 250px|thumb|Tormacal u Felsenmeer en lo rodeno de Kalmit (Selva de lo Palatinato). Un tormacalEn parlas no conservaderas de la xorda intervocalica tormagal ye una forma de lo terreno que consiste en una costera plena de tormos con una distribución caotica dichós un cinglo, tipicament de conglomerau y present en muitos lugars de lo Baixo Aragón en lo semontano de lo Sistema IbericoAlejando Pérez, José Luis Simón, Manuel J. Vivó. Paisajes naturales de la región del Maestrazgo y Guadalope. Instituto de Estudios Turolenses, Mancomunidad turística del Maestrazgo, Teruel 1983, pp97-98. Tamién pueden fer-se en piedras panals.
Chenesi Los tormos s'han produciu por esgallar-se lo livel estructural de conglomerau seguindo a un proceso erosivo que afecta a las archilas que bi ha estratigraficament dichós. Cuan pleve l'augua fa un salto en lo cinglo, a part de baixar por tota la costera. L'acción erosiva chusto baixo lo cinglo por lo salto, la erosión que fan las auguas salvaches baixando por la costera d'archila y la erosión remontant dende lo livel de base local (las riberas) van esgarrapando los materials archilencos, que retaculan paralelament a la costera. Este retacule creya covachos baixo los duros conglomeraus que se veyen como cinglos, pero plega un inte que lo vueito fa que lo livel de conglomerau s'escache y se formen tormos que redolan por la costera dica que se quedan fitos en un puesto. Como l'augua de plevia baixando por la costera ya no puede transportar-los y la meteorización ye lenta en climas mediterranios continentalizaus estos tormos quedan en meyo de la costera chunto con los que ya bi heba enantes.
Toponimia En la zona de l'aragonés central se documentan toponimos relativos a estas formacions con xorda intervocalica conservada: Turmacal en Linars de Broto, María Pilar Fuertes Casaus, María Isabel Allué Navarro Nombres para un paisaje. Toponimia del Valle de Broto Editau por las propias autoras, 2006. p 98 Tormacal y punta d'el Tromocal en Bielsa.
En bel lugar de Zaragoza, Teruel y comarcas churras a on se charró aragonés en la baixa Edat Meya bi ha microtoponimos relacionaus con estas formacions: Tormagal, Tromagal. Tamién trobamos esta clase de microtoponimos en la Cuenca.
En lo Matarranya reciben la denominación de tormassal en lo catalán local, y trobamos este microtoponimo en Ráfals, igual como en Chert (Castellón).
Notas
Referencias
Categoría:Cheomorfolochía