La Tolocha (u Morrón de Foz) ye un mont que bi ha en lo cabo septentrional de lo Sistema Iberico en lo termin municipal de Foz Calanda (Baixo Aragón). Por estar chusto en la marguin de lo Sistema Iberico y en contacto con lo suyo semontano ye un de los puntos mes visibles de la part baixa de la compleganza de lo río Guadalop.
Presenta tres puntas y en a suya cima bi ha un vértiz cheodesico.
Toponimia L'oronimo Tolocha fue mencionau por lo portugués João Baptista Labanha a primers de lo sieglo XVII en lo suyo libro "Itinerario del Reyno de Aragón (1610-1611)":
I hai unas cuantas teorías sobre lo significau d'o nombre de Tolocha: Una d'ellas diz que procede d'o ibero y que significaría "mont fredo". Gonzalo Mateo Sanz: Toponimia comparada, española e internacional, interpretable sobre raíces ibéricas, Jolube Consultor Botánico y Editor, 2020, ISBN 9788412062076, p.380 Unatra teoría diz que talment ye mozarabe per a suya terminación en -ocha, cognata de la terminación -olla en aragonés.
Vechetación Bi ha pins bordes (Pinus halepensis), chinebros (Juniperus oxycedrus), coscollos (Quercus coccifera), carrascas (Quercus ballota), sabinas (Juniperus phoenicea), y seneras (Amelanchier ovalis).
Curiosidaz Las cenisas de Luis Buñuel fuoron espardidas en la Tolocha en l'anyo 1996 por los suyos familiars. https://web.archive.org/web/20120628081759/http://heraldodearagon.kioskoymas.com/epaper/viewer.aspx Las cenizas de Buñuel descansan en el monte Tolocha, donde desafió a Dios (19 de chunio de 2012)
Lechenda Diz que que la Tolocha yera un puesto de trobada de bruixas y astí se celebraban ritos satanicos. VVAA: Aragón mítico-legendario - (Rutas CAI nº49), Caja de Ahorros de la Inmaculada de Aragón, 2007, , p.98 En a clamada cueva de la Cardelina se creyeba que teneban lo suyo cubilar las bruixas.
Referencias
Bibliografía Eduardo Viñuales Cobos (coordinador): Red natural de Aragón. nº 15, Bajo Aragón Prames, 2007.
Vinclos externos Fuella de lo vértiz cheodesico.
Categoría:Montanyas d'o Sistema Iberico Categoría:Montanyas d'a provincia de Teruel Categoría:Montanyas de Foz Calanda Categoría:Vertices cheodesicos d'Aragón Tolocha Categoría:Montanyas d'o Baixo Aragón