As teflasCon a variant palatalizada teflla. Tamién en masculín teflo. u treflas (d'o latín vulgar < *trifŭla; ) son un chenero de plantas fabacias de port herbacio caracterizadas por que no tienen tallos aerio y por as suyas fuellas composadas con 3 foliolos. Tamién se conoixen como trefoliosCon as variants trefollo y trifolio. u entrépols.
Se'n troba especies en as latituz subtropicals y temperadas d'Eurasia y America, y en a francha costera d'o norte d'Africa. En o continent africano tamién i ha especies propias de climas tropicals. En total, i ha mas de 300 especies descritas en o chenero.
Descripción Son hierbas baixas, de durada anyal, bianyal u perén de pocos anyos de vida, con fuellas composadas de tres foliolos. Espontaniament en amaneix eixemplars que en pueden tener un numero dispar, con 4, 5 u dica 7 foliolos.
As fuellas creixen en roseta, a ran de tierra, pus a planta no disposa de tallos aerios como muitas atras fabacias, y en muitas especies son fuertement fototacticas, o que significa que varian d'inclinación ta concarar-se o millor que pueden contra la luz, seguntes l'anglo en o que les incida en cada momento d'o día.
Anque no tienen tallos, fan bulbos simples que permiten que as especies bianyals u perens sobrevivan a l'hibierno reducidas a istas estructuras soterranias de resistencia.
As flors son labiadas, d'entre 1 y 5 mm cadaguna, y amaneixen en una inflorescencia en forma d'espiga. A color pende de a especie y, bellas vegadas, tamién de l'eixemplar: en o chenero en global son predominants as flors blancas y rosadas, pero tamién en i ha amariellas, moradas y encara royas.
Imáchens
Se veiga tamién Mandil (planta)
Notas
Referencias
Vinclos externos
*