Tinéu (Tinéu en asturleyonés, Tineo en castellano) ye un concello d'a comunidat autonoma uniprovincial asturiana, situau en a comarca d'o Narcea y partiu chudicial de Tinéu. A suya capital ye la villa de Tinéu, en a parroquia homonima.
A suya población ye de 10.829 habitants (2011) en una superficie de 540,83 km², con una densidat de población de 20,02 hab/km².
Luengas y parlas En Tinéu se charra l'astur-leyonés. A parla astur-leyonesa de Tinéu se clasifica en l'astur-leyonés occidental, a on s'incluye l'asturiano occidental.
Adintro de l'asturiano occidental la parla de Tinéu ye en l'aria C chunto con la de Ḷḷuarca y las vals baixas de Cangas del Narcea. A parla de l'aria C presenta como caracters: Conservación de -it- derivau d'o grupo latino -KT-: nueite, truita, muito, (que se pareixen muito a como se diz en aragonés). Metatesi de -i- en -oiro u -oira: versatoriu> versadoiro, Cubertoira. Evolución de los grupos latinos -LY- y -T'L- y -K'L- ta -y-: muyer, vieya. Alofono de la Ll- inicial /ḷḷ/ en la serie de la "che vaqueira": ḷḷuna, vaḷḷe, ḷḷave, ḷḷover, ḷḷama, de fueras de cuan ye interior /y/: ayalga. Coexistencia de resultaus /ch/ y /ḷḷ/ inicial pa los grupos PL-, CL-, FL-: chuver / ḷḷover. Epentesi d'una /u/ por influxo de /w/ en la silaba vinient: augua, yeugua (que prenen formas identicas a l'aragonés), lleugua, fraugua, etc.“El habla de la Cabrera Alta". María Concepción Casado Lobato. Llibrería llingüística ALLA. Uvieu 2002..
Cheografía Parroquias thumb|260px|Mapa parroquial d'o concello de Tinéu O concello de Tinéu ye dividiu en 44 parroquias: Arganza. La Barca. Bárzana'l Monesteriu. Bourres. Brañaḷḷonga. Bustieḷḷu. Caeras. Cezures. Coḷḷada. Fastias. Francos. Meriás. Miñu. Muñalén. Naraval. Navelgas. Nieres. Oubona. El Pedregal. Porciles. Pozón. La Preda. Reḷḷamiegu. Reḷḷanos. El Rodical. San Fabondu. San Fliz. San Frichosu. Sanguñéu. Santianes. Santiáu Zarréu. Santolaya. Santuyanu. Semproñana. Sobráu. Surriba. Tabláu. Tinéu. Troncéu. Tuña. El Varadal. Viḷḷatresmil. Xinestaza. Zardaín.
Mugas O suyo termin municipal muga con Valdés a lo norte, Cangas del Narcea a lo sud, a l'ueste con Villayón y Allande, y a l'este con Salas, Miranda y Somiedu.
Demografía
Referencias
Vinclos externos
Pachina web oficial municipal.
Categoría:Localidaz d'Asturias