Cuideiru (oficialment, en castellano Cudillero) ye un concello d'a comunidat autonoma uniprovincial asturiana, situau en a comarca d'Avilés y partiu chudicial de Pravia. A suya capital ye la villa de Cuideiru, en a parroquia de Cuideiru.
A suya población ye de 5.721 habitants (2011) en una superficie de 100,78 km², con una densidat de población de 56,77 hab/km².
Luengas y parlas
En Cuideiru se charra l'astur-leyonés. O concello de Cuideiru ye en a muga lingüistica entre l'asturiano occidental (adintro de l'asturleyonés occidental y l'asturiano central (adintro de l'asturleyonés central). Un de los principals criterios pa distinguir estas variants lingüisticas ye si conservan o diftongo decreixient -ei- derivau de lo diftongo latín -AI- u si lo monoptongan en -e-. En o mesmo toponimo "Cudeiru" se veye la suya conservación. A parla de Cuideiru se diz pixueto.
Cheografía Parroquias O concello de Cuideiru ye dividiu en 9 parroquias: Cuideiru. Faéu. Nuviana. Ouviñana. Piñera. Samartín de Lluiña. San Xuan de Piñera. Soutu Lluiña. Vaḷḷouta.
Mugas O suyo termin municipal muga a l'ueste con Valdés, a lo sud con Salas y Pravia y a l'este con Muros de Nalón y una atra vegada con Pravia.
Demografía
Vinclos externos
Pachina web oficial municipal.
Categoría:Localidaz d'Asturias