Valdés ye un concello d'a comunidat autonoma uniprovincial asturiana, situau en a comarca de l'Eo-Navia y partiu chudicial de Valdés. A suya capital ye lo lugar de Ḷḷuarca, en a parroquia de Ḷḷuarca.
A suya población ye de 13.241 habitants (2011) en una superficie de 353,52 km², con una densidat de población de 37,45 hab/km².
Luengas y parlas En Valdés se charra l'astur-leyonés, en grau abanzau de substitución por part de l'idioma castellano. A parla astur-leyonesa de Valdés se clasifica en l'astur-leyonés occidental, a on s'incluye l'asturiano occidental.
Adintro de l'asturiano occidental la parla de Valdés fa part chunto con a parla de Tinéu y de Cangas del Narcea de l'aria C d'as tierras baixas de l'ueste, con un vocalismo que coincide con as arias A y B. As suyas caracteristicas son: Terminación -oiru u -oira con metatesi de -i-: versatoriu> versadoiro, Cubertoira Consonantismo que coincide con l'aria A pa -y- procedent d'os grupos latinos -K'L- y -LY-: muyer, vieya. Consonantismo que coincide con l'aria B en la solución /ḷḷ/: ḷḷuna, vaḷḷe, ḷḷave, ḷḷover, ḷḷama, de fueras d'en posición interior: ayalga Coexistencia de resultaus /-ch-/ y /-ḷḷ-/ inicial pa los grupos /pl-, kl-, fl-/: chuver / ḷḷover. Epentesi d'una /u/ por lo influxo de /w/ en la silaba vinient: augua, lleugua, yeugua, fraugua, etc.“El habla de la Cabrera Alta". María Concepción Casado Lobato. Llibrería llingüística ALLA. Uvieu 2002..
Cheografía Parroquias O concello de Valdés ye dividiu en 15 parroquias: Alienes. Arcayana. Ayones. Barcia. Cadavéu. Caneiru. Carcéu. Castañéu. La Figal. Ḷḷuarca. Muñás. Outur. Paredes. Riunegru. Santiáu d'Arriba. Trevías.
Mugas O suyo termin municipal muga a lo norte con a mar Cantabrica, a l'este con Cuideiru y Salas, a l'ueste con Navia y Villayón y a lo sud con Tinéu y Salas.
Demografía
Referencias
Vinclos externos
Pachina web oficial municipal.
*