A Innere Stadt (en dialecto vienés Innare Schdåt, en aragonés Ciudat interior) ye o districto numero 1 d'a ciudat de Viena (en alemán 1. Bezirk). A Innere Stadt ye o Casco Antigo de Viena. Dica 1850 as mugas d'a ciudat de Viena coincidiban con a Innere Stadt. Tradicionalment se dividiba en cuatre vicos, que recibiban o nombre de cuatre importants puertas d'a ciudat:
Stubenviertel (nord-este), Kärntner Viertel (sud-este), Widmerviertel (sud-ueste), Schottenviertel (nord-ueste). www.stadt-wien.at
A Ringstraße rodia a ciudat por o mesmo puesto a on lo feban d'antis mas as murallas d'a ciudat.
O primer districto ye, con un total de 100.745 treballadors, o districto a on mas chent tien o suyo puesto de treballo en Viena. Isto se debe en parti a o turismo, asinas como a la presencia astí d'as oficinas centrals de muitas interpresas.
Cheografía A Innere Stadt ye o districto central de Viena. Muga con Leopoldstadt por o nord-este, con Landstraße por o este, con Wieden y Mariahilf por o sud, con Neubau y Josefstadt por l'ueste, y con Alsergrund por o norte. A muga d'o districto prencipia en Urania y contina por Wienfluss, Lothringerstraße, Karlsplatz, Gedreidemarkt, Museumsplatz, Museumstraße, Auerspergstraße, Landesgerichtsstraße, Universitätsstraße, Maria-Theresien-Straße y o Donaukanal.
Puestos d'intrés Albertina Burgtheater Graben Palacio Imperial de Hofburg Kapuzinergruft Kärntner Straße Ilesia Luterana de Viena Kunsthistorisches Museum Ilesia de Maria am Gestade Peterskirche Ruprechtskirche Schottenstift Stephansdom Casa d'a Ciudat de Viena Pestsäule Virgilkapelle Opera Estatal de Viena Stadtpark
Escudo O escudo d'o primer districto ye una cruz blanco sobre fondo royo. Iste ye tamién o escudo d'a ciudat de Viena y d'o Estato de Viena. L'actual escudo d'armas data d'arredol de 1270, cuan apareixe por primera vegata en as monedas de "Wiener Pfennige" vienesas. Se podría basar probablement en a bandera que feban servir os exercitos d'o Rei d'os romanos, ya que a bandera de combate d'o rei Rodolfo I d'Alemanya teneba un disenyo parellán.
Referencias
Bibliografía "Wien - 1. Bezirk - Innere Stadt", Wien.gv.at, 2008, pachina web (15 subpachinas): Wien.gv.at-innerestadt. Grabovszki, Ernst: Innere Stadt, Wien, 1. Bezirk. Verlag Sutton, Erfurt 2002,
Vinclos externos
Historia d'a Innere Stadt en a pachina d'a ciudat de Viena. UNESCO. Inclusión d'a Inner Stadt de Viena en a lista de Patrimonio d'a Humanidat. Información cheneral d'a Innere Stadt. Partiu Verde. Centro historico de Viena
Categoría:Districtos de Viena Categoría:Patrimonio d'a Humanidat en Austria