Ansó

A suya población ye de habitants en una superficie de 224,05 km² y una densidat de población de hab/km².

Cheografía O municipio d'Ansó ye situau en o cabo nord-ueste d'Aragón, fendo búa con Navarra, y tamién con Francia en muitos kilometros. Muga a l'ueste con a val de Roncal; a lo norte con Francia (58 km de longaria de muga), a l'este con a val d'Echo; y tamién fa muga con a val d'Aragüés a lo sud por o costau mas oriental.

O Veral ye o río que vertebra ista val, se li clama, asina, O Veral, sin a parola "río", ye o río, por anonomasia, no fa falta calar-le por debant pon. Naixe con o nombre d'o barranco Petrechema, u sía en a val de Linza, que ye o mas ta o norte d'a val, dimpués baixa ta val de Zuriza, do se chunta con o barranco d'A Taixera, dende astí se li clamará Veral. Pa acabar o suyo curso chuntando-se con o río Aragón en a Canal de Berdún, en o termino de Villa-reyal d'a Canal. As suyas aguas baixan furas por a diferencia d'o nivel que se troba en ista zona de monts, por ixo bi'stá una fuerte acción sobre as rocas d'os suyos costaus y ye normal trobar-se grans zaborros en a metat d'o Veral por a fuerza d'istas aguas furas.

As vals d'o Pirineu son, en a suya mayoría, tanto en costau de Francia como d'Espanya, perpendiculars ta a suya linia central, que ye paralela ta las linias d'os paralelos terrestres, este-ueste u viceversa. Ista val d'Ansó ye estreita y por ixo, estió sempre muito deficil treballar en as tareas agricolas, no bi'sta espacio pa cultivar en os lugars cercanos ta la villa. Pero, agún, en Ansó pueden vier-se muitos huertez en as eslinaderas que baixan ta o puente Veral y tamién en otris lugars similars de barranqués. Muitos huertez baixan dende as mesmas casas, en o cobalto, ta orilla d'o Veral. As practicas agricolas intensas se deixoron de fer muitas anyadas antis, cuando comencipia a crisi d'a sociedat tradicional u sía en as anyos 1960.

Clima A suya temperatura anyal ye 9.75 °C, con una temperatura meya en chinero de 2.24 °C y en chulio de 18.74 °C. "Valores normales de precipitación y temperatura de la red climatológica (1961-1990). Serie monografías. Año 2000" (Instituto Nacional de Meteorología) en a pachina web de l'Instituto Aragonés de Estadística (IAEST).

Demografía

Administración Reparto de concellers Eleccions municipalsArchivo Electoral MIR Partiu 1979 1983 1987 1991 1995 1999 2003 2007 2011 2015 2019 Partido de los Socialistas de Aragón 2 7 - 3 - - - 4 4 7 5 Partido Popular - - 0 4 3 7 - - - - 2 Partido Aragonés - - 4 - 4 - - 3 3 - - Chunta Aragonesista - - - - - - 7 - - - - Centro Democrático y Social - - 3 - - - - - - - - Unión de Centro Democrático 5 - - - - - - - - - - Total 7 7 7 7 7 7 7 7 7 7 7

Alcaldes Lista d'alcaldes Lechislatura Nombre Partiu politico1979–1983 1983–1987 1987–1991 1991–1995 1995–1999 1999–2003 2003–2007 2007–2011 2011–2015 Félix José Ipas Barba Partido de los Socialistas de Aragón2015–2019 María Montserrat Castán Arnal Partido de los Socialistas de Aragón2019–2023 María Montserrat Castán Arnal Partido de los Socialistas de Aragón2023–2027 Maria Blanca Alfonso De La Riva Consulta el listado de alcaldes que han sido proclamados en Aragón en Heraldo de Aragón PSOE

Puestos d'intrés Ilesia de Sant Pero, d'estilo gotico, en o suyo atrio firmoron as chents d'as vals de Baretous y de Roncal o acuerdo de pastar con os abríos y ganau, en os terrenos d'istos zagueros. Iste acuerdo medieval se immortaliza con iste rito clamau Tributo d'As Tres Vacas que os baretoneses entregan cada anyada ta os roncaleses en os altos puertos d'a búa. Os ansotanos estioron os testigos neutrals d'ista alcordanza pirinenca. A Torraza u Torreta. Una torre defensiva d'o sieglo XVI. En ista torre s'ha feito un prochecto, con aduya d'as administracions, pa fer o Museu d'o Trache Ansotano ya que agora no ye posible vier as variedaz que iste tiene, asina como una adecuada amostranza etnolochica de todos. Museu Parroquial. En a ilesia de Sant Per se troba o Museu Parroquial, que ye en realidat un museo etnológico con muita información, astí bi'sta dende os traches tipicos d'a villa hasta as ferramientas de treballar en os diferents oficios. Iste museu s'ubrió en as anyos 1980, estando uno d'os primers d'Aragón y naixió por a iniciativa d'o que estió mosén d'o lugar durante muitas anyadas, Dámaso Lapetra, natural de Luesia (Cinco Villas) que tenió ista ideya pionera. Os dolmens d'Achar d'Aguatuerta y lo dolmen d'Aguatuerta Sud en o parache d'Aguatuerta, y o dolmen de l'Acherito amán de l'ibón de l'Acherito.

Fiestas Día d'o Trache Ansotano, o zaguero domingo d'agosto. En iste día muita chent d'o lugar, y tamién forasters, se calan os viellos traches d'a suya familia u os traches d'o Ropero Municipal. Os mellors y mas polius son os traches d'as mullers y d'os chicorrons. En bi-stá una gran variedat, en o caso d'os traches d'as mullers. O trache d'os hombres ye pareixiu con os que visten en a comarca y ye mas común y simple. Enta o final d'o sieclo pasau, se podeban vié por as carreras d'Ansó bellos viellos con o trache típico qu'heban bestiu dende que yeran mocet y comencipiaban a treballar como adultos. As zagueras personas que vistioron o trache enta o fin d'os suyos días estioron, por as mullers, María de Casa Soro enta 1987 y por os hombres Jorge Puyó de Casa Monreal, que se'n fue en 1997. Agora as chents que si lo calan, o fan rememorando o que feban os suyos lolos. Fiestas patronals, 21 de setiembre. En realidat o patron d'a villa ye Sant Sabastián, 20 de chinero, pero se celebra en ixa fecha en razón qu'as chents d'o lugar que feban "cabanyera" u que veniban de Francia de treballar en as fabricas de Maulion, podeban chuntar-sen en ixas fechas. Os Carnavals (metat d'o mes de chenero). O Carnaval d'Ansó yera dormiu dende as anyadas d'a Guerra Civil Espanyola, dende entonces estió vetau, como en muitos otris lugars d'Espanya y s'oblidó. En iste sieglo XXI, cuan yera alcalde d'a Villa Enrique Ipas, y con a suya rasmia, se fició a primera reedición d'O Carnaval d'Ansó, dimpués de muitas anyadas. Agora se fa chunto con as chents d'o Biarn que plegan ta la villa con o personache clamau Sanpanzard. Iste personache ye conoixiu en os dos costaus d'os Pireneus y tamién en as vecinas vals d'os Pireneus de Navarra. Romería de Puyeta. Se fa en o primer domingo de setiembre, sempre que sia dezaga d'a Virchen de setiembre. Como a mayoría d'istas romerías, o sincretismo ye present, con a mezcla d'as practicas cristianas con as paganas que fan o sustrato d'a suya realidat. Agora, como en muitas otras romerías, s'han perdiu muitos d'os viellos rituals. O mas conoixiu y caracteristico yera a existencia d'a Cofradía de Puyeta, que teneba y expresaba muitas d'as claves d'o poder d'as chents d'o lugar.

Personalidaz naixitas d'Ansó Categoría principal: Naixitos d'Ansó.

Referencias

Źródło i licencja