Lost Command (títol orichinal en anglés, en aragonés Mando perdiu, estrenada en Aragón con o suyo títol traduciu enta lo castellano como Mando perdido) ye una cinta estausunidense de l'anyo 1966 de cine belico ambientata en a guerra d'Indochina y en a batalla d'Alcher mientres a guerra d'independencia d'Alcheria, dirichita por Mark Robson seguntes un guión de Nelson Gidding (basau en a novela Les Centurions, de Jean Lartéguy), con una banda sonora orichinal de Franz Waxman y una dirección de fotografía de Robert Surtees. Producida por o mesmo Mark Robson ta la productora cinematografica Red Lion, en o suyo elenco incluye a destacaus actors como Anthony Quinn, Alain Delon, George Segal, Michèle Morgan, Claudia Cardinale, Maurice Ronet, Grégoire Aslan, Jean Servais, Maurice Sarfa u Jean-Claude Bercq.
O rodache d'as escenas d'exteriors se fació en a provincia d'Almería, simulando que se tractaba d'o disierto d'Alcheria.
Argumento A cinta prencipia mientres os zaguers momentos d'a batalla de Điện Biên Phủ, mientres a guerra d'Indochina con o lanzamiento de paracayidistas de l'exercito francés sobre Điện Biên Phủ. Poco dimpués, toz cayen presoners cuan os franceses reblan debant de l'ataque d'as tropas de Võ Nguyên Giáp y son internaus en un campo de presoners, a on se fa patent o liderache d'o tenient coronel Pierre Raspeguy (Anthony Quinn). Con os Alcuerdos de Chinevra de 1954 os vietnamitas los liberan y tornan en Francia, a on Raspeguy ha d'estar licenciau d'o servicio. Sindembargo, con l'aduya d'o capitán Phillipe Esclavier (Alain Delon) y d'a contesa Natalie de Clairefons (Michèle Morgan) recibirá o mando d'un nuevo rechimiento de paracayidistas y tamién a orden de rematar con a situación d'insurrección en l'Alcheria francesa, a on os alcherians han prencipiau a guerra d'independencia d'Alcheria y a on habrá de luitar contra o lider d'a sublevación, que ye amás o suyo antigo subordinau en Vietnam, o tenient Mahidi (George Segal).
Elenco Anthony Quinn, en o papel d'o tenient coronel Pierre Raspeguy. Inspirau por Marcel Bigeard. Alain Delon, en o papel d'o capitán Phillipe Esclavier. George Segal, en o papel d'o tenient Mahidi. Inspirau por Larbi Ben M'hidi. Michèle Morgan, en o papel d'a contesa Natalie de Clairefons. Maurice Ronet, en o papel d'o capitán Boisfeuras. Inspirau por Paul Aussaresses. Claudia Cardinale, en o papel d'Aicha. Grégoire Aslan, en o papel d'o Dr. Ali Ben Saad. Jean Servais, en o papel d'o cheneral Melies. Maurice Sarfati, en o papel de Merle. Jean-Claude Bercq, en o papel d'Orsini. Syl Lamont, en o papel de Verte. Jacques Marin, en o papel de comandant. Jean-Paul Moulinot, en o papel de De Guyot. Andrés Monreal, en o papel d'Ahmed. Gordon Heath, en o papel de Dia. Albert Simono, en o papel de Sapinsky (acreditau como Simono). René Havard, en o papel de Fernand. Armand Mestral, en o papel de l'administrador colonial. Burt Kwouk, en o papel d'oficial d'o Viet Minh. Al Mulock, en o papel de Mugnier. Marie Burke, en o papel d'a sinyora Raspeguy. Aldo Sambrell, en o papel d'Ibrahim. Jorge Rigaud, en o papel d'o mosén basco. Roberto Robles, en o papel de Manuel.
Se veiga tamién Cine en 1966. Cintas de 1966.
Referencias
Vinclos externos
Trailer orichinal d'a cinta, en YouTube. Lost Command en Internet Movie Database. Lost Command en FilmAffinity. Lost Command en Allociné. Lost Command en Rotten Tomatoes. Lost Command en AllMovie. Lost Command en TCM Movie Database. Lost Command en Netflix. Lost Command en l'American Film Institute Catalog de l'American Film Institute. Lost Command en Letterboxd.
Categoría:Cintas con banda sonora orichinal de Franz Waxman Categoría:Cintas con dirección de fotografía de Robert Surtees Categoría:Cintas con guión de Nelson Gidding Categoría:Cintas con montache de Dorothy Spencer Categoría:Cintas d'Estaus Unius Categoría:Cintas de cine belico Categoría:Cintas dirichidas por Mark Robson Categoría:Cintas en anglés Categoría:Cintas en chinés Categoría:Cintas en francés Categoría:Cintas en vietnamita Categoría:Cintas interpretadas por Alain Delon Categoría:Cintas interpretadas por Anthony Quinn Categoría:Cintas interpretadas por Claudia Cardinale Categoría:Cintas interpretadas por George Segal Categoría:Cintas interpretadas por Grégoire Aslan Categoría:Cintas interpretadas por Jean Servais Categoría:Cintas interpretadas por Jean-Claude Bercq Categoría:Cintas interpretadas por Maurice Ronet Categoría:Cintas interpretadas por Maurice Sarfati Categoría:Cintas interpretadas por Michèle Morgan Categoría:Cintas producidas por Mark Robson Categoría:Cintas sobre a Guerra d'independencia d'Alcheria Categoría:Cintas sobre a Guerra d'Indochina