O río Po ( en italiano) ye un río italiano, que tien o suyo naixedero en o mont Viso, en Pian del Re (Crissolo, provincia de Coni, Piemont, en os Alpes cotios), a 2.022 metros d'altaria sobre o livel d'a mar, y marcha enta l'este en dirección a la mar Hadriana, a on i desaugua dimpués d'un recorrito de 652 km de longaria, estando o río mas luengo d'Italia. Drena as auguas d'una cuenca hidrolochica con una superficie de 71.057 km² (que s'estendilla amplament por territorio italiano pero que incluye tamién chicotas parz de Suiza y Francia, y que sepresenta alto u baixo a cuatrena part de tot o territorio italiano) a traviés d'un cabal meyano de 1.560 m³/s.
Mientres o suyo recorrito trescruza as rechions d'o Piemont (provincias de Cuneo, Torino, Vercelli y Alessandria), Lombardía (provincias de Padova, Lodi, Cremona y Mantua), Emilia-Romanya (Piacenza, Parma, Reggio Emilia y Ferrara) y Veneto (Provincia de Rovigo). Tamién trescruza ciudaz destacatas dende o punto de vista demografico, historico u cultural, como Torino, Cremona, Piacenza u Padova.
O suyo delta, o delta d'o Po, ye declarato Patrimonio d'a Humanidat por a UNESCO.
Afluents O río Po tien 141 afluents, Erla Zwingle: Italy's Po River Punished for centuries by destructive floods, northern Italianos stubbornly embrace their nation's longest river, which nurtures rice fields, vineyards, fisheries—and legends, en National Geographic, mayo de 2002. estando-ne os prencipals:
Río Pellice, en a suya marguin ezquierda. Río Varaita, en a suya marguin dreita. Río Maira, en a suya marguin dreita. Río Dora Riparia, en a suya marguin ezquierda. Río Stura di Lanzo, en a suya marguin ezquierda. Río Malone, en a suya marguin ezquierda. Río Orco, en a suya marguin ezquierda. Río Dora Baltea, en a suya marguin ezquierda. Río Sesia, en a suya marguin ezquierda. Río Tanaro, en a suya marguin dreita. Río Scrivia, en a suya marguin dreita. Río Agogna, en a suya marguin ezquierda. Río Ticino, en a suya marguin ezquierda. Río Versa, en a suya marguin dreita. Río Lambro, en a suya marguin ezquierda. Río Trebbia, en a suya marguin dreita. Río Nure, en a suya marguin dreita. Río Adda, en a suya marguin ezquierda. Río Arda, en a suya marguin dreita. Río Taro, en a suya marguin dreita. Río Parma, en a suya marguin dreita. Río Enza, en a suya marguin dreita. Río Oglio, en a suya marguin ezquierda. Río Mincio, en a suya marguin ezquierda. Río Secchia, en a suya marguin ezquierda. Río Panaro, en a suya marguin dreita.
O río Reno, en a suya marguin dreita, estió tributario d'o río Po dica meyatos d'o sieglo XIX, cuan se desvió o suyo curso.
Se veiga tamién Delta d'o Po.
Vinclos externos
Referencias
Po