Ta o túnel chicot de Bielsa se veiga túnel de Bielsa
O túnel de Bielsa-Aranyonet u simplament o túnel de Bielsa ye un túnel carretero internacional situato en o Pireneu central que une as vals de Bielsa (Aragón) y d'Aura (Bigorra).
Historia left|thumb|250px|O puerto en o suyo canto occitán. left|thumb|250px|Dentrada dende Occitania. thumb|250px|Panel informativo a la dentrada d'o túnel dende Occitania. thumb|250px|Logo d'o consorcio d'o túnel de Bielsa-Aranyonet Fue construito por un convenio internacional entre o Gubierno espanyol y o Consello Cheneral d'o departamento d'os Altos Pireneus en a decada d'os anyos 1970. L'alcalde d'a localidad de Sent Lari e Sola, Vincent Mir, estió o suyo prencipal empentador. Dimpués de cuantos retrasos debitos a problemas tecnicos o túnel s'inauguró en octubre de l'anyo 1976.
Debito a o duro clima pirinenco y la manca d'atención por parti d'as autoridaz espanyolas y francesas o túnel s'estropició prou, por lo que en primerías d'o sieglo XXI se facioron obras de reforzamiento y s'amilloró a seguridat en instalar-se un semaforo que impide que dos cambions se crucen en l'interior d'o estreito túnel. En l'anyo 2008 o Gubierno d'Aragón y o departamento d'os Altos Pireneus sinyoron un alcuerdo ta formar un consorcio que chestiona de traza conchunta tanto o túnel internacional como cuantos kilometros (4,5 km d'a carretra autonomica A-138 en Aragón y 6,1 km d'a carretera departamental RD-118 en os Alto Pireneus) d'as carreteras que sirven d'acceso a o mesmo dende os dos países, estando l'obchectivo prencipal a limpieza hibernal ta mantener ubierto o paso transpirinenco.
A solución finitiva ta o túnel de Bielsa sería la de construyir un segundo tubo de traza que cadagún d'os túnels estase unidireccional, manimenos no pareixe que agane muito d'enamplar o túnel dende dengún d'os dos cantos d'a muga. Amás d'iste feito, o Gubierno Francés ye mirando de derivar parti d'os traficos pirinencos d'a carretera enta o ferrocarril y d'atra man, cal decir que a versant francesa ye una zona protechita con una carretera de carácter secundario.
Caracteristicas Ye un túnel d'un solo tubo de doble dirección con una longaria de 3.070 metros, d'os que 1.298 se troban en tierra aragonesa y 1.772 en Occitania. A dentrada d'o costato aragonés ye a 1.664 metros d'altaria y a occitana a 1.821 metros. Debito a l'altaria ye un túnel que se gosa zarrar a la circulación frecuentment d'hibierno.
Se veiga tamién Túnel de Viella. Túnel de Bielsa. Túnel de Somport. Túnels d'o Monrepós.
Vinclos externos Consorcio Bielsa-Aranyonet
Bielsa Bielsa Bielsa Bielsa Categoría:Muga entre Aragón y Francia Categoría:Bielsa