As parolas «pimentera» y «pimentero» reendrezan ta iste articlo. Ta atros usos de «pimentera» se veiga Pimentera (desambigación).

A pimentera VIDALLER TRICAS, Rafel: Libro de As Matas y Os Animals; Dizionario aragonés d'espezies animals y bechetals, Edicions Val d'Onsera. Zaragoza, 2004. .Con a variant en masculín pimentero. u pebrera ( (L., 1753)) ye una planta perén, de port herbacio, en a familia d'as solanacias y o chenero Capsicum, cautivada amplament por o suyo fruito comestible; o piiento.

Descripción

A pimentera domestica ye una planta perén natural, anque por selección artificial se'n ha produciu variedaz que tienen creiximiento anyal u bianyal. El cultivo del pimiento; consultada l'1 de chinero de 2013. Como muitas atras plantas domesticadas y con firme distribución en o mundo, existe un gran numer de variedaz de pimentos ta consumo; bellas variedaz s'han seleccionau ta que tenesen una mida mayor y poder-las consumir como verdura. Manimenos, tamién existe belatras que se cautiva por a suya sabor exotica u ta emplegar-las como especia; ixe ye o caso d'as variedaz conoixidas como corals u guendillas/guindillas.

A pimentera ye una planta herbacia, d'arredol de meyo metro d'altaria (anque bellas variedaz gosan creixer dica pasar t'alto d'un metro, un metro y meyo, u dica dos).

O tallo ye solo en a base, pero se ramifica bien luego y a poca altaria. Se mantiene un solo tallo dica la segunda u tercer ramificación, y alavez comienza a dividir-se dicotomicament, lo que fa desapareixer o tallo individualizau caracteristico de a base d'a mata, perdendo-se en brancas laterals por toda la corona.

As follas son enteras, lancioladas (con «forma de punta de lanza») y pecioladas. A color de l'anverso ye verde intensa (como en cuasi tot, bellas variedataz s'han feito que varían en color, mas que mas pensadas ta planta ornamental), y ye glabro (sin pels ni protuberancias). Por o reverso, a nervadura ye muit marcada, con o niérvol central muit resaltau y que se contina con o peciolo, y os niérvols laterals que arriban cuasi dica la ladera d'a fuella. As fuellas creixen alternas sobre as brancas y o tallo, y a mida ye proporcionada con a mida que tendrán dimpuesas es fruitos.

As flors son blancas, simples y discretas, d'entre 1,5 y 2 cm de diametro. Son pedunculadas y brostan en a base d'as follas.

Os fruitos, que se conoix como pimentos (<latín PIGMENTUS), son o principal obchecto d'interés en a planta. Son bayas, bofas de polpa en muitas variedaz (especialment en as que gosan fer-se mas granizos), o que les fa de creixer con formas a sobén asimetricas y con banyas. A color ye verde, amariella u roya, anque bellas variedaz se tornan vrioletas u encara blancos. A sobén se tornan de verdes a amariellos en primeras, y royos dimpués, conforme maduran. O peso d'os pimentos baila d'entre tansament bels gramos dica mas de 500.

Oríchens

A pimentera dimana de Sudamerica, de l'Altiplano andino d'entre Bolivia y Perú, a on que ya se teneba en cultura antes de que i arribasen os europeus. En chunto con C. annuum, tamién se cautivaba lo menos cuatro especies mas de pimenteras que no s'ha feito difundir en a resta d'o mundo. thumb|200px|A pimentera ye una planta moderadament delicada, traita d'America d'o Sud en o sieglo XVI. Os espanyols y os portugueses difundión o cautivo d'o pimento en Europa en o sieglo XVII, dimpués d'haber estau introduciu en a Peninsula Iberica en o sieglo anterior. Actualment, o pimento ye una d'as hortalicias mas populars y de consumo regular en o mundo.

Cautivo

A pimentera ye una planta de cautivo en huerta, con condicions de regano, y poco tolerant a os extremos climaticos de l'hibierno en l'interior peninsular, por o cual o suyo cautivo gosa concentrar-se en os meses estivals. Cal sembrar-la en un plantero, pus a planteta que plega d'escapar se gosa morir con facilidat si se le cambean as condicions. O treslau ta a tierra se fa cuan pasa d'os 10 cm d'alto. Cultivo del Pimiento; consultada l'1 de chinero de 2013.

Nomás sobrevive con temperaturas por alto d'os 10 °C positivos, anque suporta baixadas puntuals dica no menos de 7 °C (p. ex. puntualment, de nueiz), no aguanta que a temperatura remanga tan baixa mientres mas de 10-12 horas. En Aragón, y muit especialment en a Montanya, a pimentera ye conoixida por estar una planta de solano, a la cual no le gusta sique as faixas encaradas a'l sol y os puestos d'o huerto a on que le caiga bien a luz solar. thumb|right|200px|Un pimento. Precisa unas buenas condicions d'augua y riego, pero combinadas con una tierra suelta, tremenada, por a on que l'augua percole ta fondo y no se l'embadine a on que tiene as venas. A tierra ha de tener valors de Ph d'entre 5,5 y 8, anque es óptimos son d'entre 6,5 y 7.

No le fan mica de goyo as corrients d'aire ni o viento persistent, por o que en seguntes qué puestos cal mirar que le'n cubille bel muro u paretón d'o propio huerto u se le morirán y cairán as fuellas, flors y dica os pimentos a metat madurar.

Notas

Referencias

Se veiga tamién

Solanum tuberosum, a patatera. Solanum lycopersicum, a tomatera. Pimento Jalapenyo Pebreta Pimenta

Vinclos externos

Categoría:Plantas domesticas Categoría:Taxons nombraus por Carl Linnaeus