Elizabeth Jane Campion, naixita de Wellington (Nueva Zelanda) o 30 d'abril de 1954, ye una destacata directora cinematografica, guionista y productora cinematografica neozelandesa, activa en primeras en o cine neozelandés y dimpués en o cine internacional dende primerías d'os anyos 1980, con cuantos premios recibitos mientres a suya carrera cinematografica.
D'entre a suya filmografía como directora, se puet mencionar a suya labor en bellas cinta como Passionless Moments (1983, curtometrache), A Girl's Own Story (1984, curtometrache), Sweetie (1989, con Genevieve Lemon, Karen Colston, Tom Lycos y Jon Darling), An Angel at My Table (1990, con Kerry Fox, Alexia Keogh, Karen Fergusson y Iris Churn), The Piano (1993, con Holly Hunter, Harvey Keitel, Anna Paquin y Sam Neill), The Portrait of a Lady (1996, con Nicole Kidman, John Malkovich, Barbara Hershey y Mary-Louise Parker), u Bright Star (2009, con Ben Whishaw, Abbie Cornish, Paul Schneider, Kerry Fox y Thomas Sangster).
Vinclos externos Jane Campion en IMDb. Jane Campion en AllRovi.
Categoría:Directors cinematograficos de Nueva Zelanda Categoría:Guionistas de Nueva Zelanda Categoría:Productors cinematograficos de Nueva Zelanda Categoría:1954 (naixencias)