José Lahoz Trol conoixito esportivament como José Lahoz, naixito de Azuara, Provincia de Zaragoza, o 23 d'abril de 1916 y muerto en María de la Uerba o 15 de febrero de 2011, estió un ciclista aragonés pioner d'as competicions de ciclismo en Aragón. Mientres a suya carrera esportiva aconsiguió importants victorias ciclistas en Espanya, y no compitió garra vegata en cursas foranas.
Biografía Naixito en o Pantano de Moneva, a on treballaba su pai de pastor, pero inscrito en Azuara, fue o cuatreno de siet chirmans. Dica os 13 anyos fue pastor de uellas con una chirmana suya, dimpués prinpicio a treballar como aguador en a construcción d'o ferrocarril Zaragoza-Caminreal y con o suyos primer salarios compró a suya primera bicicleta.
Principió a competir en a pista de l'antigo velodromo de Torrero, o 2 de mayo de 1933 debutó fendo d'os cursas o mesmo diya: una de 25 vueltas en a que aconsiguió o segundo puesto y unatra de 50 en a que estió tercer. Ixe mismo anyo principió a competir en carretera y con 18 anyatas ganó o Campionato d'Aragón. Biografía en a pachiina webo d'o Memorial José Lahoz.
Ganó importants prebas d'a epoca pero no podió ganar garra etapa d'a Vuelta Ciclista Espanya en a que participó en tres ocasions (1945, 1947 y 1948), en a primera ocasión fue tercer en una etapa y en a 14ena. etapa d'a segunda aconsiguió un segundo puesto dezaga d'o finalizador Delio Rodríguez, que encara hue ye o ciclista con mas victorias de etapa. Partecipó en a primera edición d'a Vuelta a Aragón en a que ganó una etapa y luitó por a victoria dica que en una etapa no podió descansar y o diya següent tenió una mala etapa. En 1941 gana o Circuito Ribera del Jalón, muit prestichioso en ixa epoca, o circuito de Tafalla y o Gran Premio de Pascuas (1941 y 1943) y o Campionato d'Espanya Independient de 1951.
En as anyatas que partecipaba en cursas, con os premios d'as cursas no se podeba adedicar-se profesionalment a o ciclismo por ixo teneba una taller de reparación de bicicletas, y como yera muit conoixito no li mancaban clients.
Vinclos externos Pachina web d'o Memorial José Lahoz. Ficha de José Lahoz en sitiodeciclismo. Muere José Lahoz, el legendario patrón de los ciclistas aragoneses.
Referencias
Categoría:Ciclistas d'Aragón Categoría:Naixius d'Azuara Categoría:Muertos en María de la Uerba Categoría:1916 (naixencias) Categoría:2011 (muertes)