O sufixo –ulo ye l'adaptación en aragonés y atras luengas neolatinas de dos sufixos latinos atonos con forma -ULUS, -ULA, ULUM en cultismos.

L'aun sufixo latín con forma -ULUS, -ULA, ULUM estió un d'os principals diminutivos, encara que bi habió una tendencia a ser substituto por o sufixo -ELLU. David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Gredos, Editorial, S.A., 2002. ISBN 8424923391, 9788424923396 pp 155-156, pp 326-327, pp 523-524 En as tres zagueras declinacions presentaba un infixo -C- deseparando-lo d'o lexema.

L'atro sufixo latín con forma -ULUS, -ULA, ULUM serviba pa obtener sustantivos indicadors d'obchectos, instrumentos y achents a partir de verbos y se sustantivaba como -ULUS, ULI en masculín, como -ULA, -ULAE en femenino, y tamién como -ULUM, ULI.

Formas con infixo -c- en latín As formas con infixo -c-, pronunciau /K/ son abundants y en ocasions plegoron a substituyir a la palabra orichinal sin sufixo, como amuestran os derivaus romances: APICULA: "abella". BATACULUM: "batallo". CUNICULUM: "conillo". NAVICULA: diminivo de "nau". OVICULA: "ovella". TURRICULA: diminutivo de "torre", orichen de torrella/torrilla. VALLICULUM: diminutivo de "val", posible orichen de varello/valello.

Como en latín vulgar o sufixo –ULU yera sendo substituyiu por –ELLU, o infixo –C- tamién quedó debant de –ELLUS, dando formas como NAVICELLA (ya en latín imperial), TORRICELLA (que da por vía patrimonial Torreciella), MONTICELLO y VALLICELLO.

Manimenos en latín tamién bi heba un antigo sufixo -CULUM, -CULI, diferent d'o diminutivo -ULUS con infixo -C- y que teneba una función antiga de fer sustantivos derivaus de verbos pa indicar puestos, obchectos y instrumentos: ye o caso de VEHICULUM, TABERNACULUM, HIBERNACULUM, ORACULUM, SPECTACULUM, OBSTACULUM, OPERCULUM y atros, que presentarán un comportamiento fonetico pareixiu en cultismos y semicultismos.

Cheminacions derivadas d'o sufixo -ulus en latín O sufixo -ulus yera atono y a u podeba desapareixer entre consonants. Dezaga de radicals en -m, -n u -r se podeba producir una asimilación a la l d'o sufixo:. LIBERULUS > LIBERLUS > LIBELLUS ("livel"). CORONULA > CORONLA > COROLLA.

González Ollé considera que este ye l'orichen d'o sufixo diminutivo latín -ELLUS (l'orichen de l'aragonés -iello).

Cultismos con sufixo –ulo en aragonés Bascula. Calculo. Celula, orichinariament un diminutivo de CELLA, CELLAE ("cela"). Coagulo < COAGULUM, derivau de COGERE ("cullir"). Fecula. Formula, diminutivo de FORMA, FORMAE. Glandula, orichinariament un diminutivo de GLANS, GLANDIS ("glan"). Loculo. Nodulo. Pelicula, diminutivo de PELLIS, "piel". Peninsula. Virgula.

Semicultismos derivaus de palabras con sufixo –ULU en latín Con grupo –cl- Articlo < ARTICULUM, diminutivo d'ARTUS ("articulación de uesos", "miembro"). Cerclo < CIRCULUM, diminutivo de CIRCUS. Crepusclo < CREPUSCULUM, diminutivo de CREPER, "escuro". Disciplo/Diciplo < DISCIPULUM, derivau de DISCAPIERE ("comprender"). Espectaclo < SPECTACULUM sustantivo derivau de SPECTARE ("observar", "catar"). Mayuscla < MAYUSCULA. Particla < PARTICULA, diminutivo de PARS, PARTIS. Perpendiclo < PERPENDICULUM. Receptaclo < RECEPTACULUM. Vinclo < VINCULUM, derivau de VINCIRE ("ligar"). Vehiclo < VEHICULUM, sustantivo deverbativo de VEHERE, "levar o carro".

Con grupo -gl- Miraglo < MIRACULUM.

Con grupo -pl- Escruplo < SCUPULUM, diminutivo de SCRUPUS, SCRUPI ("zaborro").

Con terminacions -col, -tol Capítol < CAPITULUM, diminutivo de CAPUT, CAPITIS. Espígol/Espícol < ESPICULUM. Títol < TITULUM.

Palabras patrimonials Con secuencia –ol- Almendra < almendola < AMIDDULA < AMYGDALA. Bárbol < BARBULUM. Grandoletas < GLANDULA + diminutivo -eta. Ísola (en microtoponimia) < ISSULA/INSULA. Niérvol < NERVULUM. Triemol/Triamol/Trémol < TREMULUM.

Con grupo –ngl- Anglo/angle ("racón") < ANGULUM. Cinglo < CINGULUM, derivau de CINGERE. Tinglar. Ungla < UNGULA.

Con –ll- A U curta d'o sufixo latín –ULU ye atona y desapareixe, quedando en contacto a consonant de debant con una –l- orichinando uns grupos romances –K’L-, -G’L- y T’L- que evolucionan enta a palatal –ll- en as primeras etapas de l'iberorromanz, quedando asinas en catalán, aragonés, gallego-portugués y asturleyonés occidental. D'esta traza s'han orichinau os sufixos –allo, -ello y -ollo.

K'L Abella < APICULA Agulla < ACUCULA Batallo < BATACULUM Clavilla < CLAVICULA Dalla < DACULA Espiello < SPICULUM < SPECULUM derivau de SPECERE ("observar"). Gralla < GRACULA Mallata < MACULATA Orella < AURICULA Ovella < OVICULA

G'L Callo < COAGULUM, y callar, derivaus de COGERE ("cullir"). Rella < REGULA derivau de REGERE ("guiar", "fixar"). Tella < TEGULA derivau de TEGERE ("cubrir"). Trallo < TRAGULU.

T'L Ruello < ROTULUS, diminutivo de ROTA, ROTAE ("rueda"). Viello < VETULUS.

P'L Manullo < MANIPULUM.

Con –ld Espalda < ESPATHULA. Rolde < ROTULU, diminutivo de ROTA, ROTAE ("rueda").

Con –scl- Ascla, ixascla. Ixasclar. Rasclo, rascliar. Riscla. Masclo. Musclo.

Toponimos derivaus de palabras latinas con sufixo –ulo Bárbols < BARBULU. Erla < ERULA. Espuéndolas > SPONDULA. Fanlo > FANŬLUM Ramón Menéndez Pidal: Orígenes del español: El estado lingüístico de la Península Ibérica hasta el siglo XI. Espasa-Calpe, Madrit 1980 9ª edición, p 223.. Huertolo < HORTULUS. Mamblas < MAMULA. Pedrola < PETRULA. Peniscola < PENE ISCULA < PENE INSULA ("cuasi isla"). Piétrola < PETRULA. Puértolas < PORTULAE. Riglos < *RIGULU < RIVULU. Torla < TORULA. Torrellas, Torrillas < TURRICULA. Vierlas < VERULAS.

Referencias

Bibliografía Academia de l'Aragonés Propuesta ortografica de l'Academia de l'Aragonés. EDACAR, 7. Zaragoza, 2010. David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Gredos, Editorial, S.A., 2002. ISBN 8424923391, 9788424923396 Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010 José Antonio Saura Rami: En torno a la sufijación apreciativa en el Valle de Benasque. Archivo de Filología Aragonesa, 52-53, 149-178. 1996-1997. José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003.

Categoría:Sufixos cultos en aragonés