Las parroquias de Zaragoza estioron en la Edat Meya divisions administrativas d'esta ciudat.Esteban Sarasa Sanchez: Onomástica Zaragozana del Siglo XIV, localizau En la España medieval, ISSN 0214-3038, Nº 7, 1985, pachinas 1201-1214 Son lo resultau de la evolución de los barrios medievals. Las parroquias controlaban lo baptismo y lo soterramiento de los suyos habitadors. Tamién teneban una función de servicio a lo municipio, aportando-li diners y hombres y esleyendo los representants en lo concello. Antonio Serrano Montalvo: La población de Aragón según el fogaje de 1495. Volumen 1. Institución Fernando el Católico, 1995
Las parroquias se dividiban en mayors y menors: Parroquias mayors: Santa María la Mayor, Sant Salvador, Sant Pavlo, Santa María Madalena, Sant Felip, Sant Chil, Santa Cruz, Sant Chuan d'el Puent y Sant Chaime. Parroquias menors: Sant Per, Sant Andreu, Sant Lorient, Sant Nicolau, Sant Chuan el Viello y Sant Miguel de los Navarros.
En tiempos de guerra, como por eixemplo mientres la Guerra de los dos Peros, las parroquias heban de contribuir economicament pa mantener las murallas. Tamién contribuiban con caballos y con hombres que heban de cosirar las puertas de la ciudat.
Baixo lo reinau de Ferrando d'Antequera en 1414 bi habió una serie d'ordinacions que reformoron l'administración municipal y afectoron a lo rechimen de parroquias. Achuntoron las parroquias menors de dos en dos pa regular la participación de los suyos representants en lo nombramiento de los churaus. D'esta traza bi heba 12 parroquias.
Con la dinastía Trastamara las parroquias perdioron importancia y funcions. Manimenos la institución de la parroquia ganó importancia en las relacions entre los suyos habitadors y lo municipio.
En lo fogache de 1495 nombraban las 12 parroquias con estos fuegos: Parroquia Numero de fuegos La Madalena 347 La Seu 269 Sant Miguel 286 Sant Jaime 64 Sant Johan el Viello 32 San Andres 34 Sant Pedro 27 Sant Felip 283 Sant Lorient 85 Sant Nicolau 48 Santa Cruz 99 Sant Gil 285 Santa Engracia 51 Santa María de Altabas 25 Santa María del Pilar 494 Sant Paulo 1140 fuegos.
Los fuegos se detallan en la Parroquia de Sant Pavlo por carreras: Carrera de los Predicadores Carrera de la Filaça Mercado, Tripería, Albardería y Cedacería Carrera de las Armas Carrera de San Blas Carrera de Miguel Ingles Carrera de la Castellana Carrera del Forno de Tarba.
No yeran incluitos en las parroquias ni la morería, ni lo Campo del Spital ni Barrio Nuevo.
As parroquias desapareixioron en 1769 per a reforma d'o Conte d'Aranda pa estar a ciudat distribuyida en cuatro districtos: A Seu, O Pilar, Sant Pavlo y Sant Miguel.
Referencias
*