O Rote Flora ye un antigo teatro situau en o barrio de Schanzenviertel en Hamburgo. Fue ocupau en noviembre de 1989 en respuesta a la decisión de convertir-lo en un teatro musical.
Historia de l'edificio thumb|250px|Cartel de l'anyo 1900 O teatro se construyió en 1888 con o nombre de Tivoli-Theater. Ascape, se renombró como Concerthaus Flora, conoixiu como Flora-Theater, fendo-se por ixas envuelta en o suyo escenario operettas y atras representacions teatrals. Estió un dos pocos teatros que no tenió danyos mientres a Segunda Guerra Mundial, por o que as representacions continoron dica 1943. Mientres os zaguers anyos d'a guerra, o teatro se zarró y s'emplego como almadazén, encara que tornó a ubrir-se en 1949 dimpués d'haber-se esviellau. Dende 1953 dica 1964, l'edificio s'emplegó como cine con un aforo d'alto u baixo 800 personas; os grans almagacens 1000 Töpfe s'instaloron dimpués en l'edificio dica l'anyo 1987.
Historia d'o prochecto politico Ocupación y prochecto d'o concello Dimpués d'o cierre d'os grans almagacens, o productor musical Friedrich Kurz planificó a reconversión de l'edificio en un teatro musical. Manimenos residents d'a zona, vendedors y grupos autonomos respondioron negativament a la propuesta y, mientres bels meses, as protestas se facioron mas grans. Con tot y con ixo, parti d'o historico edificio fue espaldau en abril de 1988. Encara continoron as protestas, rematando en asaltos violentos protagonizaus por grupos d'insurchents. A necesidat d'a contina protección policial y a respuesta negativa d'os medios fació retacular a os inversors, quedando os plans aturaus.
Dica o siguient verano, as ruinas y a parti de l'edificio que yera en piet continoron albandonaus, encara que bels grupos, mas que mas embrecaus en as primeras protestas, prencipioron con una ambiciosa renovación mirando de tornar a emplegar l'edificio. En agosto de 1989, o concello d'a ciudat ufrió, ta a suya sospresa, a cesión por seis meses de l'edificio a ditos grupos. Cuan se fació oficial a cesión tornó a ubrir-se o Rote Flora o 23 de setiembre de 1989. Manimenos, a cesión se declaró ascape obsoleta y o Rote Flora fue ocupau o 1 de noviembre de 1989. Dende alavez, o Rote Flora ufre un espacio ta eventos culturals y politicos de toda mena. O prochecto ye financiau por donacions y eventos de replega de diners organizaus independientment. thumb|250px|left|Grupos anarquistas en o Rote Flora (2011) Entre 1990 y 1991, o prochecto convirtió o vago - a on se trobaba antis parti d'a construcción - en un parque. O gubierno d'a ciudat, d'atra man, teneba plans ta construyir apartamentos en iste mesmo puesto, desenvolicando o conflicto en una orden policial ta forachitar a os ocupas.
En agosto de 1992, o Senador de Desenvolique Urbán pidió a os responsables de Rote Flora que sinyasen una orden ta ceder os terrenos en un periodo de seis semanas. En atro caso a policia tornaría a forachitar a os ocupas. As negociacions entre o gubierno y os representants d'o Rote Flora duroron meses; remanindo a la fin a ocupación de l'edificio.
Un incendio en noviembre de 1995 destruyo gran parti de l'edificio, habiendo d'estar reconstruyiu y esviellau. O Rote Flora continó estando un puesto de reunión d'a cultura y os grupos politicos d'ezquierdas.
Venda y privatización En agüerro de 2000, o Senau d'Hamburgo tornó atra vegada a prencipiar as negociacions ta una nueva cesión. Dimpués d'11 anyos d'ocupación, o Rote Flora tornó a estar un asunto politico d'actualidat en as eleccions de l'anyo 2001.
Dimpués de controvertidas discusions, os ocupas refusoron toda mena de negociación con o Senau. En respuesta, o Senau vendió l'edificio en marzo de 2001 a o empresario Klausmartin Kretschmer. En as siguients semanas, Kretschmer made deixó platero que no habría cambios en a suya chestión; o Rote Flora continaría estando autonomo.
Cabo d'anyo y nueva venda thumb|250px|Manifestacions en 2007 por o G8 O Rote Flora celebró o 15eno cabo d'anyo d'a suya ocupación en noviembre de 2004. Mientres as protestas anti-G8 en Alemanya en l'anyo 2007 se prenió como punto de trobada d'os protestants www.de.indymedia.org www.dissentnetwork.org fendo congresos politicos y eventos culturals.
En zaguerías de marzo de l'anyo 2011, o contracto orichinal entre o propietario y a ciudat remató. En o contracto yera fixau baixo que condicions podeba Kretschmer vender l'edificio y que iste había d'estar un centro social. Dende alavez, s'ubriba a posibilidat de vender-lo por o precio y condicions que él querese. Si Kretschmer vendeba o "Rote Flora" tornaría o peligro de desalochamiento.
Os chestors d'o Rote Flora creyoron a campanya "Flora bleibt unverträglich" florableibt.blogsport.de con actividaz contra o posible desalochamiento.
Manifestacions y disturbios de 2013 thumb|250px|left|Manifestacions de 2013 en o Rote Flora En agosto de 2013 Kretschmer cedió, seguntes o Hamburger Abendblatt, o edifició a Gert Baer, d'a empresa Baer und Baer Consulting. Rote Flora schon verkauft?' Taz 15 d'agosto de 2013 En octubre de 2013 se conoixeba que existiban plans ta a construcción d'un centro cultural y sala de conciertos de seis pisos d'altaria en o Rote Flora. Hamburg: "Rote Flora" soll künftig Konzerthalle und Kita beherbergen Spiegel Online. 5 d'octubre de 2013 Activistas d'ezquierdas anuncioron o suyo refuse a un eventual cambio en o teatro. Rote Flora: Widerstand angekündigt ndr.de. 11 d'octubre de 2013 De feito existe dende 2011 un ature en o desenvolique d'obras en a zona: l'edificio d'o Roten Flora no se puet espaldar y s'identifica expresament como Aria d'intrés cheneral y centro cultural municipal. Steht die Rote Flora vor dem Verkauf?, Hamburger Abendblatt vom 15. August 2013 L'asamblea de districto d'Altona confirmó en zagueras d'o mes d'octubre, que l'edificio no se podría espaldar ni modificar y que s'emplegaría como centro cultural d'o districto. Rote Flora bleibt ein Stadtteilkulturzentrum, Hamburger Abendblatt. 24 d'octubre de 2013 Kretschmer pidió manimenos que se podese aplicar un uso privau de l'edificio ya que teneba una ufierta d'una empresa americana de ropa. Kretschmer beantragt "private Nutzung" der Roten Flora, Hamburger Abendblatt. 29 d'octubre de 2013
En zaguerías de 2013 Kretschmer, o propietario, menazó con viedar l'actuación d'o grupo de hip-hop Fettes Brot, planificada ta o 3 de noviembre de 2013.'Eigentümer droht mit Polizei taz.de 1 de noviembre de 2013 Kretschmer anunció que o grupo habría de bosar una "cuota d'emplego" de 5.000 euros por usar as instalacions, a o que o grupo se negó. O día 2 de noviembre de 2013 Kretschmer metió una denuncia por un delito de "menaza d'allanamiento de propiedat". Stern.de: Wirbel um geplantes Fettes-Brot-Konzert in „Roter Flora“ O concierto d'o día 3 de noviembre de 2013, que podió seguir-se tamién con una pantalla chigant instalada en a frontera de l'edificio, tenió una asistencia de 2.000 espectadors. O mesmo día Kretschmer metió un atra denuncia contra o grupo de hip-hop por dentrar en l'edificio sin autorización. Strafanzeige gegen „Fettes Brot“', mopo.de. 6 de noviembre de 2013 Poco dimpués pidió a os ocupas, que heban estau en o suyo edificio mientres 24 anyos, mas de nueu millons d'euros d'indemnización. Die Rote Flora macht Millionengewinne!, mopo.de 7 de noviembre de 2013
Cultura O Rote Flora organiza regularment mercaus, fiestas y eventos culturals, amás de servir como punto de trobada ta movimientos politicos d'ezquierdas. Por un regular en os suyos eventos se tractan temas politicos como a immigración, o nacionalismo en Alemanya u a privatización d'os espacios publicos. O Rote Flora ye financiau prencipalment por donacions y partius. No se i fan conciertos de musica comercial, manimenos o Rote Flora ufre un amplo rango de musica alternativa entre a que se troban o punk, o reggae, o ska, o dub, o drum 'n' bass y a goa.
En os zagues anyos o Rote Flora ha manifestau a suya importancia como centro cultural alternativo, estando una parte esencial d'o barrio de Schanzenviertel.
A frontera de l'edificio se gosa emplegar como espacio ta mensaches politicos.
O Rote Flora tamién organiza exposicions d'arte, treballando con artistas de tot o mundo y ufriendo un entorno unico ta la creyación artistica.
Se veiga tamién Ocupación
Referencias
Vinclos externos
Pachina oficial Imachen d'o barrio de Schanzenviertel y o Rote Flora De l'Hamburgo de St.Pauli a qualsiquier barrio de l'estau espanyol #Gefahrengebiet Arredol.com. 11 de chinero de 2014.
Categoría:Molimentos d'Hamburgo Categoría:Ocupación