Coldplay ye una colla de pop-rock britanica formada en Londres en 1996. O grupo ye formau por Chris Martin, Jon Buckland, Guy Berryman y Will Champion.
Aconsiguioron o exito internacional con o lanzamiento d'o suyo single «Yellow», seguiu por o suyo disco debut, Parachutes (2000), que fue nominau a os Premios Mercury. O suyo segundo disco, A Rush of Blood to the Head (2002) ganó muitos premios, incluiu o de Disco de l'Anyo seguntes o semanario NME. Manimenos que o suyo tercer disco, X&Y (2005) no causó tanto entusiasmo, tenió igualment una recepción positiva. O quarto álbum d'estudio d'a banda, Viva a Vida or Death and All His Friends (2008) fue produciu por Brian Eno y cheneró excelents criticas, plegando a recibir nominacions a os premios Grammy y unatra clase d'homenaches.
Coldplay ha vendiu internacionalment 50 millons de copias. Mylo Xyloto, o suyo cinquén disco, se lanzó en octubre de 2011 y tenió una recepción critica matizada, amás d'estar o disco de rock con mas vendas en o Reino Uniu en ixe anyo.
Historia Chris Martin y Jonny Buckland se conoixioron entre a suya semana d'orientación en a Universidat de Londres en setiembre de 1996, y estioron tractando de formar una banda entre a suya estancia en a universidat, plegando finalment a formar un grupo clamau Pectoralz. Posteriorment Guy Berryman, companyero de clase de toz dos, s'unió a o grupo. En 1997, a banda, renombrada Starfish ya heba empecipiau a tanyer en clubs. Martin tamién convidó a o suyo viello amigo d'a escuela Phil Harvey, estudiant d'Oxford, ta que fuese o manager d'a banda. Dende alavez, Harvey ye o cinqueno miembro de Coldplay. Manimenos, a formación orichinal fue completada con Will Champion, encargau d'a percusión. Champion s'heba criau tanyendo o piano, a guitarra, o baixo y o tin whistle, pero aprendió a tanyer a batería sin muito esfuerzo y sin experiencia previa. A banda prenió a la fin o nombre Coldplay amprando-lo de Tim crompton, que heba usau dito nombre ta a suya propia banda.
Enllaços externs
Pachina web oficial Pachina web oficial d'o fans club.
Categoría:Grupos de musica pop Categoría:Grupos de musica d'Anglaterra Categoría:Grupos de musica en anglés