thumb|300px|Una cocineta d'inducción
A cocineta d'inducción ye un electrodomestico que fa servir o calentamiento por inducción ta trasmitir a calor sobre os recipients, en oposición a la transferencia de calor que ye l'alacet d'as tradicionals cocinetas electricas u de gas. Ta poder emplegar-se en una cocineta d'inducción, os recipients han d'estar fabricaus con metals ferromagneticos. Ta os recipients no ferromagneticos se puede meter debaixo discos adaptadors que permitan adaptar-los a la cocineta d'inducción.
En una cocineta d'inducción os inductors debaixo d'os recipients son formaus por bobinas de filos d'arambre enrrollaus. A corrient alterna circula por a bobina creyando asinas un campo magnetico oscilant. Iste campo produce corrient electrica en o recipient. O fluxo de corrient en o metal produce una resistencia que escalfa a birolla. Encara que a corrient ye gran, ista ye producida por un baixo voltache.
Una cocineta d'inducción ye mas rapeda y mas eficient que as tradicionals cocinetas electricas. Permite un control instantaneo d'a enerchía de cocción igual que en as cocinetas de gas. Atros metodos de cocinau emplegan flamas u elementos resistivos a o royo vivo, pero en a inducción se calienta nomás o recipient. Como a superficie d'a cocineta se calienta nomás debiu a o contacto con o recipient, o risgo de cremar-se en tocar-la ye significativament menor que en atros tipos de cocinetas. L'efecto d'a inducción no calienta l'aire d'arredol d'o recipient, por o que a eficiencia enerchetica ye mayor. L'aire d'a refricheración sale a traviés d'a electronica, pero tien una temperatura poco mayor que la de l'ambient.
As propiedaz magneticas d'un recipient d'acero fan que a corrient inducida se concentre en una fina capa amán d'a suya superficie, lo que fa l'efecto d'o calentamiento mayor. En materials no magneticos como l'aluminio o campo magnetico penetra muito y a corrient inducida troba poca resistencia en o metal. A comparative study of resonant inverter topologies used in induction cookers. Llorente, S.; Monterde, F.; Burdio, J.M.; Acero, J., 2002 Existe tamién bella versión de cocineta d'inducción valida ta toz os metals, pero que tien manimenos una baixa eficiencia cuan treballa con recipients no magneticos.
Referencias
Se veiga tamién Vitroceramica Forno microondas Lampa d'inducción
Induccion Categoría:Electromagnetismo Categoría:Inventos d'Aragón