L'idioma norrén antigo ye una luenga chermanica septentrional que charraban os habitants d'os países escandinavos y os habitants d'as suyas colonias d'ultramar en ixas envueltas d'os vikingos, dica arredol de l'anyo 1300.
A luenga proto-norrena se convertió en o norrén antigo en o sieglo VIII, antiparte o norrén antigo encomenzó a evolucionar ta as diferents luengas chermanicas septentrionals dende mitat y zaguers d'o sieglo XIV, rematando a fase evolutiva d'a luenga conoixida como norrén antigo. Manimenos encara s'escribiba en norrén antigo dica bien adintro d'o sieglo XV.
O norrén antigo se dividió en tres dialectos: norrén antigo de l'este, norrén antigo de l'ueste y antigo gotlandés. Entre o norrén antigo de l'este y o norrén antigo de l'ueste bi heba un continuum lingüistico, con parlas de transición. A mes gran part d'os parlants de l'antigo norrén de l'este viviban en as actuals Dinamarca y Suecia.
Categoría:Luengas chermanicas septentrionals Categoría:Luengas liturchicas Categoría:Luengas muertas d'Europa