Santoleya (Santolea en castellano) ye un lugar de lo termin municipal de Castellot, de la comarca de lo Mayestrato y de la provincia de Teruel, en Aragón. Actualment ye despoblau. Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, , p.454

Buena part de lo suyo territorio fue embadinau con la construcción de lo Entibo de Santoleya, que causó la suya despoblación.

Toponimia Lo toponimo Santoleya ye un hachiotoponimo y se gosa trobar sin epentesi antihiatica en los textos medievals. Las formas Santoleya u Sentoleya se troban en textos medievals asociaus a las órdens militars que i estioron presents como la Orden de lo Hespital, y en lo mapa de João Batista Labanha, que por estar portugués yera familiarizau con la terminación -eya present en aragonés.

Demografía

Historia O lugar estió fundau en o sieglo XIII y yera lo capitero d'a redolada clamada "La Concordia". En 1877 teneba 847 habitants. En 1927 empecipioron as obras de construcción d'o Entibo de Santoleya. En 1932 os millors hortals son engaronaus lo que provoca que 27 familias abandonen o lugar pa ir a vivir a Alcanyiz u Zaragoza. En 1958 se recraxió lo entibo. A resta de vecins que encara viviban en Santoleya emigran a Pui Moreno, Val Muel u Barcelona. En 1972 o lugar ye esvoldregau per a Confederación Hidrografica de l'Ebro. A ilesia estió espaldada con dinamita. En 2009 naixe la "Asociación Santolea Viva" pa preservar a memoria historica d'o lugar.

Descripción Situau sobre una loma, as suyas carreras prencipals yeran a carrera Mayor, a carrera Cristo y la carrera Sant Roque. En a Plaza d'a Ilesia s'alzaban dos ilesias: ilesia de Santa María Magdalena, construyída en 1615 con un campanar mudéchar. ilesia nueva: neoclasica d'o sieglo XIX.

Repuis Actualment nomás se conservan tres casas que estioron usadas como corrals, o fosal y o calvario.

Referencias

Vinclos externos Santolea. Un pueblo para no olvidar. Por José Aguilar Martí Blog dedicau a Santoleya Web de l'Asociación Cultural Santolea Viva LA CAVERNA Sociedad Secreta Autor: Pedro Bel

Categoría:Despoblaus d'a provincia de Teruel Categoría:Lugars de Castellot Categoría:Lugars d'a provincia de Teruel Categoría:Localidaz d'a diocesi de Teruel y Albarracín en o Mayestrato