Sierra Palomera ye una sierra de lo Sistema Iberico Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995, p 143. con dirección N-S situada a l'este de la Fuesa de Xiloca, a l'ueste de Campo Visiedo y de la fuesa de Alfambra u Teruel, a lo sud de la Sierra de Lidón y a lo norte de la muela de Celadas. Fa part de la mesma unidat morfoestructural que la sierra de Lidón Jose Luís Peña Monne et al. : Geomorfología de la Provincia de Teruel. Instituto de Estudios Turolenses, 1984. p 78-90..
La superficie de la Sierra Palomera perteneixe a los termins municipals de Buenya, Archent, Camanyas, Aguatón, Celadas, Santa Olalia, Torremocha de Xiloca, Torre la Cárcel y Cingla.
Altarias La suya altaria mes gran ye penya Palomera (1.533 m), seguida de Los Rasos (1.428 m), y cerro Gordo (1.222 m),
Toponimia Lo toponimo Sierra Palomera s'interpreta a partir de "paramo", y viene por lo nombre de la principal altaria, la Penya Palomera. En un texto escrito en 1411 en aragonés teruelano ya se fa mención d'esta penya:
Tamién se fa mención d'esta penya u de la sierra en "La soterrada viva d'Alfambra", versión aragonesa d'una lechenda europea que tiene como trasfondo la reconquiesta de cualques lugars de Teruel:
Hidrolochía La suya versant este desaugua enta lo río Alfambra y la suya versant ueste desaugua enta lo río Xiloca, a traviés de tributarios que han despartido lo frontón de la falla de Palomera en facetas trapezoidals.
Cheolochía La falla de Palomera ye responsable de lo frontón que desparte esta sierra y la fuesa de Xiloca
Vechetación Los carrascals fan part de la vechetación natural d'esta sierra.
Feguras de protección Una part de Sierra Palomera entre Banyón y Buenya ye protechida con categoría de PIC en lo Ret Natura 2000 adintro de lo espacio "Sierra Palomera".
Referencias
Bibliografía J. Vilá Valentí, Lluís Solé Sabarís, Manuel Terán: Geografía general de Espanya. Ariel Geografía. 1994. Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995. Eduardo Viñuales Cobos: Red Natural de Aragón. Jiloca nº 18, 2007. Eduardo Viñuales Cobos: Red Natural de Aragón. Comunidat de Teruel nº 22, 2008. Jose Luís Peña Monne et al. : Geomorfología de la Provincia de Teruel. Instituto de Estudios Turolenses, 1984. p 78-90.
Vinclos externos Articlo en la G.E.A sobre la Sierra Palomera
*