thumb|250px|Colechio en Fridas d'Albarracín O sistema educativo ye o conchunto de medios por os que se guaranzia o dreito a la educación.
D'alcuerdo con a Constitución, existe un reparto de competencias en materia educativa entre as diversas entidaz y administracions presents en o estau. Basicament, l'administración central se reserva a competencia exclusiva ta regular a estructura d'os distintos rans educativos y as condicions d'obtención, expedición y homologación d'os títols academicos y profesionals.
O sistema educativo varía seguntes cada país.
Sistema educativo en Espanya
En o sistema educativo espanyol se distinguen cinco grans tipos d'educacions:
A educación infantil (entre os 0 y os 6 anyos), de caracter no obligatorio. A educación primaria (entre os 6 y os 16 anyos, aproximadament), que tiene caracter obligatorio (y ye, por tanto, ye gratuita en institucions publicas, fueras d'a compra de libros y materials educativos: comprende, cursadas de forma succesiva, a educación primaria (6 cursos) y a educación segundaria obligatoria (conoixida como a "ESO", 4 cursos). A educación segundaria postobligatoria, que alude a cinco amostranzas independients entre ellas y que exichen ta estar cursadas a posesión d'o titol d'a ESO: o bachillerato (2 cursos), a formación profesional de grau meyo, as amostranzas profesionals d'artes plasticas y disenyo de grau meyo, y as amostranzas esportivas de grau meyo. A educación superior (con distintos criterios ta accedir dependendo de l'amostranza trigada), que comprende, de forma independient entre ellas, l'amostranza universitaria, as amostranzas artisticas superiors, a formación profesional de grau superior, as amostranzas profesionals d'artes plasticas y disenyo de grau superior y as amostranzas esportivas de grau superior. As amostranzas de rechimen especial, que son os idiomas, as artisticas y as esportivas.
Se veiga tamién Educación
Categoría:Educación