Una ciudat estatutaria (en Austria Statutarstadt, en a Republica Checa Statutární město) ye una ciudat con a suya propia lei municipal u estatuto d'a ciudat.
Austria Seguntes a Constitución d'Austria, una ciudat puet solicitar ista condición si tien mas de 20.000 habitants. Si o gubierno d'o estau y o Gubierno Federal son d'alcuerdo con a concesión d'o estatuto, se le concede siempre que no supose un periglo ta os interses nacionals. Manimenos, no siempre tienen ista población minima, ya que bi ha Statutarstädte menors a las que les ne dioron iste dreito dreito con anterioridat por razons historicas. En particular, as ciudaz d'Eisenstadt y Rust, que d'antis mas perteneixeban a o Reino d'Hongría como ciudaz libres, alzoron os suyos propios estatutos de ciudat en 1921. As Statutarstädte se deciban zonas urbanas y fueron tratadas d'alcuerdo con a Gemeindeordnung alemana mientres o periodo d'ocupación alemana, y como tal no teneban poder sobre a suya propia constitución municipal.
L'alcalde ye o chefe d'a municipalidat, asinas como o chefe de l'autoridat administrativa comarcal.
Por estau, as ciudaz d'Austria que tienen a condición de Statutarstädte son as siguients:
Burgenland: Eisenstadt (dende 1921, como ciudat libre d'Hongría dende 1648); Rust (dende 1921, como ciudat libre d'Hongría dende 1681);
Carintia: Klagenfurt am Wörthersee (dende 1850) Villach (dende 1932)
Baixa Austria: Krems an der Donau (dende 1938) St. Pölten (dende 1922) Waidhofen an der Ybbs (dende 1868) Wiener Neustadt (dende 1866)
Estiria: Graz (dende 1850)
Tirol: Innsbruck (dende 1850)
Salzburgo: Salzburgo (dende 1869)
Alta Austria: Linz (dende 1866) Steyr (dende 1867) Wels (dende 1964)
Viena (dende 1850)
Republica Checa Bi ha un modelo muit parellano en a Republica Checa (derivau d'o suyo orichen en Austria-Hongría), a on bi ha 25 ciudaz estatutarias definidas por a ley n.º 128/2000 Coll., Consolidated version of Law no. 128/200 Coll. amás de Praga, a capital, que ye de facto ciudat estatutaria. Por rechión, son ciudaz estatutarias en a Republica Checa as siguients:
Rechión de Bohemia Central: Kladno Mladá Boleslav
Rechión de Hradec Králové: Hradec Králové
Rechión de Karlovy Vary: Karlovy Vary
Rechión de Liberec: Liberec Jablonec nad Nisou
Rechión de Moravia-Silesia: Frýdek-Místek Havířov Karviná Opava Ostrava
Rechión d'Olomouc: Olomouc Prostějov Přerov
Rechión de Pardubice: Pardubice
Rechión de Plzeň: Plzeň
Praga (de facto) Rechión de Bohemia Meridional: České Budějovice
Rechión de Moravia Meridional: Brno
Rechión d'Ústí nad Labem: Chomutov Děčín Most Teplice Ústí nad Labem
Rechión de Vysočina: Jihlava
Rechión de Zlín: Zlín
Notas
Categoría:Organización territorial d'Austria Categoría:Organización territorial d'a Republica Checa