O galaicoportugués ye una luenga romanz que amaneixió como a evolución d'o latín en l'aria ocidental d'a peninsula ibérica. Huei as suyas variants, son consideratas por uns como variants d'una mesma luenga y por atros como luengas relacionatas.
Historia O latín que plegó a la Gallaecia estió o latín betico que se charraba en o sud d'Hispania, mes conservador que no o latín tarraconense Rafael Lapesa: Historia de la lengua española Editorial Gredos. 2001, pp 104-106, pp 181-182. Anchel Conte et al.: El aragonés: identidad y problemática de una lengua. Colección Aragón. Librería general, 1982, pp 20-21. que orichinó o romanz navarro-aragonés, y que explicaría que o romanz galaicoportugués conserve ciertos elementos lexicos y foneticos perdius en atras luengas romances.
A indepencia de Portugal y a pertenencia de Galicia a la Corona de Castiella fació que a luenga común evolucionás en direccions diferents. A reconquiesta d'o sud de Portugal contribuyó a l'asimilación de mozarabismos y arabismos en portugués, a la vegada que o gallego continó a suya evolución autonoma.
Dende o sieglo XVI as diferencias lexicas creixioron por o surchimiento d'un imperio colonial portugués con colonias en Sudamerica, Africa, Asia y Oceanía que aportoron a conoixencia d'atras culturas y productos. Dende ixe sieglo o gallego evolucionaba compartindo tendencias foneticas con o castellano.
Fonetica Conserva los diftongos decreixents latinos -AI- y -AU- como -ei- y -ou-, que se reducen en -e- y -o- en castellano, navarro-aragonés y catalán: CARRARIA > *CARRAIRA > carreira (cognato de "carrera"). JANUARIU > *JANAIRU > janeiro ("chinero", que se pronuncia xaneiro en gallego moderno). FEBRUARIU > *FEBRAIRU > fevereiro ("febrero"). AURU > ouro ("oro"). TAURU > touro ("toro"). No diftonga as vocals curtas Ĕ y Ŏ d'o sistema vocalico d'o latín vulgar, a diferencia d'o navarro-aragonés, castellano y astur-leyonés, romances a on que bi ha una diftongación: FĔRRU > ferro Heinrich Lausberg: Lingüistica romanica. Tomo I fonetica. Editorial Gredos, 1988, p 227 ("fierro"). HĔRBA > herva ("hierba"). FŎNTE > fonte ("fuent"). PŎNTE > ponte ("puent"). Os grupos latinos CL-, FL- y PL- palatalizan ta ch-, a diferencia de l'aragonés, que los conserva: CLAVE > chave ("clau"). CLAMARE > chamar ("clamar"). FLAMA > chama ("flama"). PLANU > chão ("plan(o)", "plana"). PLICARE > chegar ("plegar"). PLOVERE > chover ("plever"). PLUVIA > chuva ("plevia"). O castellano ampró d'o galaicoportugués as palabras chubasco y chamuscar, derivaus respectivament de chuva Edward A.Roberts: Diccionario etimológico indoeuropeo de la lengua española. Alianza Editorial, 2001. p 136. y chama. Simplifica en -l- a cheminada latina -LL-: CABALLU > cabalo ("caballo"). GLOBĔLLU > novelo ("dobiello"). CALAMELLU > caramelo David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Editorial Gredos, 2002 ISBN 8424923391, 9788424923396, p 200, palabra amprada como portuguesismo por o castellano como caramelo y adaptada en aragonés como "carambelo" u "carambel" por ultracorrección Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010, p 57.. O grupo latino -MB- se mantién, a diferencia de l'aragonés a on que evoluciona ta -m-, pero coincidindo con o romanz navarro: LUMBU > lombo ("lomo"/"lumo"). *LUMBA > lomba ("loma"). *PALUMBA > pomba ("paloma").
Variants As suyas variants son: Gallego, Galego en Gallego; Portugués, Português en Portugués; A fala en Xalimego.
Referencias
Bibliografía Rafael Lapesa: Historia de la lengua española Editorial Gredos. 2001. Heinrich Lausberg: Lingüistica romanica. Tomo I fonetica. Editorial Gredos, 1988. Diego Catalán, Alvaro Galmés de Fuentes: Las lenguas circunvecinas del castellano, cuestiones de dialectología hispano-románica. Paraninfo. Anchel Conte et al.: El aragonés: identidad y problemática de una lengua. Colección Aragón. Librería general, 1982.
Categoría:Idioma portugués Categoría:Idioma gallego