O convento de Nuestra Sinyora d'o Carmen estió un convento situau en a carrera d'iste nombre en dirección ta la puerta d'o Carmen en a ciudat de Zaragoza, Aragón.
Historia O convento fue fundau por os relichiosos carmelitas o 17 de chunio de 1290. Iste edificio grandioso, con una espaciosa ilesia esboldregada en tiempo d'os seches, fue habilitau, en parte, conclusa la Guerra d'a Independencia espanyola. L'antiga ilesia teneba un retablo mayor d'os millors que bi eba en ista ciudat, obra de l'escultor Damián Forment. En o claustro de lo dito convento se veyeba pintada la vida de sant Elías, de Francisco Giménez.
En iste convento fizon Corz o 2 d'octubre de 1441, a las quals asistió la reina María, muller d'o rei Alifonso V d'Aragón y en ellas fuoron ordenaus dos fueros en favor d'o Chusticia d'Aragón, de no poder estar depuesto de l'oficio por sola la voluntat d'o rei ni preso por causa civil, sino por mandamiento d'o rei u d'as Corz. En o mesmo convento —antiga ermita de Santa Helena—, fue muerto misteriosament o 7 de febrero de 1429 l'arcebispe de Zaragoza, frai Alonso de Argüello. La dita muerte —atribuida a diferents causas— no fue notificada a lo capítol dica o 7 de noviembre d'ixe anyo.
Mencions en aragonés medieval Fan mención d'o convento d'o Carmen de Zaragoza en diferents textos medievals escritos en aragonés, como por eixemplo:
Referencias
Carmen Carmen de Zaragoza Carmen de Zaragoza Carmen de Zaragoza Zaragoza Categoría:Edificios desapareixius de Zaragoza