Este articlo tracta sobre Salvatierra d'Esca, municipio d'a Chacetania. Pa atros usos d'o toponimo Salvatierra, veyer Salvatierra (desambigación).

Salvatierra d'Esca (en castellano Salvatierra de Esca) ye un municipio d'a provincia de Zaragoza, situau en a comarca d'a Chacetania. Perteneixe a lo partiu chudicial d'Exeya d'os Caballers y a la diocesi de Chaca. A suya población ye de habitants, en una superficie de 81,2 km² y una densidat de hab/km².

Toponimia Seguntes Alvaro Galmés de Fuentes os toponimos Salvatierra se remontan a una institución churidica medieval que controla una zona de muga, a on se concede asilo y immunidat a tot qui se i estableixca, pero a cambio de cosirar-la y participar activament en a suya defensa. Salvatierra d'Esca estió una "Salvatierra" que defendeba las posicions d'o Reino d'Aragón en a muga con o Reino de Navarra. Álvaro Galmés de Fuentes: Toponimia: mito e historia. Real Academia de la Historia, 1996, p. 50. ISBN 849598394X, 9788495983947.

Luengas y fablas Huei se i charra o castellano rechional d'Aragón, con muitos aragonesismos, como consecuencia d'haber substituito fa poco tiempo a l'aragonés.

O lexico d'intrés etnografico de Salvatierra d'Esca se conoix relativament bien por figurar esta localidat en l'ALEANR, con a sigla Z 200. Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.

Cheografía Salvatierra d'Esca ye en a val de Roncal entre dos aliniacions montanyosas d'o flysch pirenenco cretacio-eoceno: a lo norte l'aliniación sierra d'Illón-sierra de Beldú y a lo sud sierra de Leire-sierra d'Orba. La part occidental de lo termin municipal de Salvatierra ye trescruzada por o río Esca, afluent d'o río Aragón en l'entibo de Yesa, pero la mes gran part d'o termin ye en o ret fluvial d'o barranco de Gabarri, que caye en Esca en un forcallo chusto a lo sud d'o nuclio habitau,

Son monts de Salvatierra d'Esca Algaralleta, Chandri, La Cucula, mont Fragas, Huyerna, Muga de Sigüés, pui d'o Pinar, punta Salarinya, Val de Penya, La Vardipenya y Virchen de Penya.

Mugas O suyo termin municipal muga a o norte con Burgui, municipio navarro en a val de Roncal; a l'este con Fago y a Canal de Berdún; a o sud con Sigüés y a l'ueste con Bigüezal en o termin municipal de Romanzado, tamién en Navarra.

Lugars D'o suyo termin municipal fa parte o lugar de Lorbés, a l'este d'o municipio, en a muga con a Canal de Berdún.

Clima A suya temperatura anyal ye 10.53 °C, con una temperatura meya en chinero de 2.88 °C y en chulio de 20.34 °C. "Valores normales de precipitación y temperatura de la red climatológica (1961-1990). Serie monografías. Año 2000" (Instituto Nacional de Meteorología) en a pachina web de l'Instituto Aragonés de Estadística (IAEST).

Historia Dica l'anyo 1208, o suyo nombre estió Obelba, con as variants Ovelva, Ouelva, Ovelba, Ubelba y Okelba. A primera cita d'a localidat estió, seguntes Agustín Ubieto, en l'anyo 890-900, recullida en o Cartulario de San Chuan d'a Peña, editau en Valencia en 1962 por Antonio Ubieto Arteta.Ubieto Arteta, Agustín: Toponimia aragonesa medieval, Valencia, 1972.

Demografía

Administración Reparto de concellers Eleccions municipalsArchivo electoral Partiu 1979 1983 1987 1991 1995 1999 2003 2007 2011 2015 2019 Partido de los Socialistas de Aragón 3 4 3 1 2 1 1 1 4 1 4 Partido Popular - - - - - - - - - - 1 Chunta Aragonesista - - - - - - 1 1 - 4 - Izquierda Unida - - - - - - - - 1 - - Partido Aragonés - 3 4 6 5 3 5 5 - - - Independients - - - - - 3Agrupación de Electores de Salvatierra - - - - - Unión de Centro Democrático 4 - - - - - - - - - - Total 7 7 7 7 7 7 7 7 5 5 5

Alcaldes Lista d'alcaldes Lechislatura Nombre Partiu politico1979–1983 Laplaza Loriente, Martin UCD1983–1987 Bescos Anso, Juan-Carlos PSOE1987–1991 Escos Navarro, Valerio PAR1991–1995 Bescos Navarro, Valerio PAR1995–1999 Valerio Bescos Navarro PAR1999–2003 Samitier Hualpe, Jose Manuel PAR2003–2007 José Manuel Samitier Hualde PAR2007–2011 2011–2015 2015–2019 2019–2023 2023–2027 Juan Carlos Bescos Anso Consulta el listado de alcaldes que han sido proclamados en Aragón en Heraldo de Aragón PSOE

Molimentos Ilesia de Sant Salvador de Salvatierra d'Esca, una ilesia en estilo gotico adedicada a lo Salvador, en estilo gotico, que ye la ilesia parroquial d'o lugar. Parroquias del Arciprestazgo de Jaca-Berdún en o sitio web d'a Diocesi de Chaca.

Fiestas 20 de chinero. 19 de marzo. 15 d'agosto. 6, 7, 8, 9 y 10 de setiembre.

Veyer tamién Lista de municipios de Zaragoza.

Referencias

*