Iste articlo tracta sobre o tozal de Pelopín. ta atros emplegos de Pelopín se veiga Pelopín (desambigación).
O tozal de Pelopín, punta Pilopín Toponimos oficials de Sobrarbe en www.lenguasdearagon.org u simplament Pelopín ye a segunda altura d'a sierra d'a Manchoya con 2007 metros d'altitut, Pelopín en o portal de montanyismo Mendikat.net; consultau o 17 de noviembre de 2015. en as sierras interiors pirenencas d'Aragón, en o que en l'actualidat ye a comarca de Sobrarbe.
O Pelopín ye a punta mas septentrional d'a sierra d'a Manchoya y ye una punta vistera ta tres valles: a valle de Broto por o costau oriental, a valle d'o río Sorrosal por a man norte, y a valle d'Otal por a ueste. Ye una d'as fitas que sinyorean o Sobrepuerto, por a part d'Otal, y entre a suya baixant nor-ueste y a dita Penya Ronata se troba o cuello Otal, o puerto tradicional ta pasar entre Otal y a cuenca d'o río Sorrosal. Por a versant sud se pasaba dende Sobrepuerto ta a valle de Broto por Yosa, por o puerto dito cuello Pelopín.
Toponimia
Chesús Vázquez Obrador, en o suyo treballo sobre a toponimia d'o Sobrepuerto (Comarca de l'Alto Galligo, 2004), afirma que Pelopín ye probablement un toponimo composato. VAZQUEZ OBRADOR, Jesús. Nombres de lugar de Sobrepuerto,, análisis lingüístico. Ed. comarca de l'Alto Galligo. Uesca, 2004. . Versión dichitalizada consultable en linia
O primer etimo estaría una contracción de <PŌDIU, «pueyo» (tozal), en una forma monosilaba que se troba a sobén en a toponimia altoaragonesa. Seguntes iste mesmo autor, a segunda parte d'o toponimo, -lopín, correspondería con a evolución d'un chenitivo latín <*LŪPINI, derivato de l'antroponimo (nombre de persona) <LŪPINU. En iste caso, Pelopín significaría «tozal de Lūpinu».
Manimenos, o propio autor reconoix a posibilidat de que o dito «Lupinu» no estás en realidat un nombre de persona, sino un adchectivo referent a o lobo, <LUPU en latín, de forma que o significato etimolochico alavez estaría «tozal d'os lobos».
Referencias
Se veiga tamién
Sierra d'a Erata L'Auturía Sobrepuerto
Vinclos externos
Categoría:Montanyas d'as sierras interiors pirenencas Categoría:Montanyas d'a provincia de Uesca Categoría:Montanyas de Linars de Broto Categoría:Montanyas de Broto Categoría:Sobrepuerto Categoría:Val de Broto Categoría:Montanyas d'o Prepireneu aragonés Categoría:Montanyas de Sobrarbe