Pablo Echenique Robba (Rosario, Archentina, 28 d'agosto de 1978) ye un cientifico y politico aragonés, d'orichen archentino, que tiene nacionalidat espanyola y archentinaEl Mundo, 'El otro Pablo de Podemos' consulta 4/12/2015. Doctor en Ciencias Fisicas, en 2014 fue esleíto eurodeputato por a formación politica Podemos.
Biografía Plegó ta Aragón cuan teneba 13 anyos y s'establió en Zaragoza con a suya madre Irma y a suya chirmana Analía. Endura atrofia muscular espinal —una malotía hereditaria y dechenerativa— dende que yera tasament un criet.Materia, consulta 4/12/2015 Por la dita razón, tiene una discapacidat d'o 88 % y se treslada en siella de ruedas. A suya discapacidat estió una d'as razons por as cuals a suya familia migró ta Aragón buscando mayors oportunidaz. Lo 9 d'agosto de 2012 se casó con María Alejandra Nelo Bazán, venezolana a la cual heba conoixida en a universidat cuan ella estudiaba lo doctorau.
Carrera cientifica Echenique se licenció en Ciencias Físicas en 2002 y obtuvo lo doctorado en a Universidat de Zaragoza en 2006 con a tesi A bottom up physical approach from small peptides to proteins.Universidat de Zaragoza consulta 4/12/2015 Investigó con una beca postdoctoral en o Instituto de Biocomputación y Fisica de Sistemas Compleixos d'a Universidat de Zaragoza. En 2008, obtuvo lo premio Romper Barreras por l'adaptación d'o suyo despacho en a universidat.Heraldo de Aragón consulta 4/12/2015 Dende 2009, ye cientifico titular d'o CSIC en o Instituto de Química Física Rocasolano. Tamién ye colaborador extraordinario d'o departamento de Fisica Teorica d'a Universidat de Zaragoza.
Periodismo y discapacidat Junto con Raúl Gay, principió a escribir en eldiario.es lo blog De retrones y hombres, prebando de romper estereotipos sobre lo mundo d'a discapacidat (lo termin retrón ye un neolochismo d'Echenique y Gay ta referir-se a los discapacitaus, encara que Echenique emplega tamién frecuentment l'adchectivo cascau). Una d'as suyas contrebucions en o blog, Discapacitado y mas feliz que tú... sí, que tú,eldiario.es consulta 4/12/2015 recibió en 2014 lo premio Tiflos de Periodismo en a categoría de Periodismo Dichital atorgau por la Organización Nacional de Ciegos Espanyols (ONCE) por a perspectiva nueva, que sobate lo debat, mueve ta la reflexión, con un lenguache dreito y vehement».ONCE, consulta 4/12/2015
Carrera politica Tras la fundación de Podemos en chinero de 2014, Pablo Echenique s'embrecó en o nuevo partiu,heraldo.es consulta 4/12/2015 participando en a creyación d'o Cerclo Discapacidat,eldiario.es consulta 4/12/2015 y presentando-se como candidato en as primarias ta esleyir a lista ta as eleccions europeyas.youtube consulta 4/12/2015 Los resultaus dieron a Podemos cinco cadieras, gracias a lo cual Echenique fue esleíto eurodeputato.Ficha d'o Parlamento Europeyo consulta 4/12/2015 En febrero de 2015 fue esleíto primer Secretario Cheneral de Podemos en Aragón en primarias ubiertas y ye actualment deputato en as Corz d'Aragón dende lo 18 de chunio de 2015.
Referencias
Categoría:Alumnos d'a Universidat de Zaragoza Categoría:Deputaus en as Corz d'Aragón por a circumscripción electoral de Zaragoza Categoría:Deputaus d'a IX Lechislatura d'as Corz d'Aragón Categoría:Deputaus en o Congreso d'os Deputaus por a provincia de Zaragoza Categoría:Deputaus d'a XIII Lechislatura d'o Congreso d'os Deputaus Categoría:Deputaus d'a XIV Lechislatura d'o Congreso d'os Deputaus Categoría:Fisicos d'Aragón Categoría:Naixius de Rosario (Archentina) Categoría:Eurodeputaus d'Espanya Categoría:Politicos d'Aragón Categoría:Politicos de Podemos Aragón Categoría:1978 (naixencias)