O franco d'a val d'Itz (en alemán Itzgründisch) ye un dialecto franco d'o Main clasificau entre as luengas altochermanicas que fan parti d'o grupo franco oriental. Ye charrau en a val d'Itz (en alemán Itzgrund) y en as chicotas vals formadas por os afluyents d'iste río: o Grümpen, o Effelder, o Röthen/Röden, o Lauter, o Füllbach y o Rodach, amás d'as vals de Neubrunn, Biber y l'alto Werra y en a val d'o Steinach. Ya que ista ye una zona de dificil acceso, isolada dica zaguerías d'o sieglo XIX y dimpués mientres a división d'Alemanya, iste dialecto ha conservau muitas d'as suyas peculiaridaz lingüisticas dica hue. Os primers estudios cientificos d'o dialecto itzgründisch los fació o lingüista August Schleicher a metat d'o sieglo XIX.
Vinclos externos Itzgründisch (Friedrich-Schiller-Universität Jena) (incluyindo o mapa con as mugas lingüisticas) Mundartlexikon auf Itzgründisch (diferencias entre as localidaz d'Effelder y Rauenstein) Discussions in the Sonneberger dialect Itzgründisch by Subject
Itzgründisch