200px|miniaturadeimagen|dreita|Ken Robinson Ken Robinson (Liverpool, Inglaterra, 4 de marzo de 1950) ye un educador, escritor y conferencista britanico. Doctor por a Universidat de Londres, investigador sobre l'aplicación d'o teatro en a educación. Robinson ye considerau un expierto en afers relacionaus con a creyatividat, a calidat de l'amostranza, a innovación y os recursos humans. A causa d'a relevancia d'a suya actividat en os campos mencionaus, especialment en relación a la necesidat d'incorporar clases d'arte a o currículum escolar, estió nombrau sir por a reina d'Inglaterra, Isabel II en 2003.
Biografía
Ken estió un d'os siet fillos que tenioron Ethel y James Robinson. Con cuatro anyos contrayió poliomielitis.
Entre tres anyos chugó a la pilota y asistió a l'antiga escuela de Liverpool pa posteriorment seguir educando-se en l'instituto en Cheshire dica 1968. Dimpués d'a suya educación basica decidió inscribir-se en a Universidat de Leeds an que se formó en anglés y drama. Dimpués de rematar o suyo grau se matriculó en a Universidat de Londres an que, a os 31 anyos d'edat, remató a suya tesi doctoral sobre as posibilidaz d'o drama y o teatro en a educación.
Robinson ye un brillant conferenciant. Actualment vive en Los Angeles, California con a suya muller, lady Therese Robinson y os suyos dos fillos James y Kate. Vida profesional
Entre cuatro anyos (1985-1989), Robinson estió o director d'o prochecto The Arts in Schools Project, iniciativa que pretendeban amillorar l'amostranza y l'aprendizaje d'as artes en as escuelas britanicas.
Dende 1989 dica 2001 estió profesor d'educación artistica y portavoz d'o departamento d'educación artistica en a Universidat de Warwick. Paralelament, tamién estió encargau d'as investigacions pa o desarrollo d'a Facultat d'Educación en a cual treballaba. A istos cargos cal adhibir os de Director de estudios de grau en l'instituto Warwick pa la educación, Director d'o programa de postgrau en educación artistica y estudios culturals, y Director d'a unidat pa la investigación en educación, cultura y as artes, mas conoixida por as suyas siglas en anglés, URECA.
En 1998, David Blunkett, Ministro d'Educación y Emplego britanico, lo metió a o frent d'o comité consultivo nacional sobre educación creativa y cultura. Comité que, posiblement, realizó a mayor investigación nacional sobre a importancia d'a creyatividat en a educación y a economía d'o Reino Uniu.
Fruito d'o treballo en dito comité, se publicó o clamau Informe Robinson que o suyo titol formal, traduciu, ye: Toz os nuestros futuros: creyatividat, cultura y educación. L'informe tenió un gran impacto pos meteba de relieu o escaso paper que dica alavez heba recibiu a creyatividat y a importancia que sobre ella recayeba o futuro, ya no solament d'o país, sino d'a propia humanidat.
Entre a suya carrera no solament ha serviu a o gubierno britanico sino que tamién ha treballau pa atros como, por eixemplo, o gubierno de Hong Kong y Singapur, a Comisión Europea y mesmo pa l'Instituto d'Artes Paul McCartney. Actualment ye profesor emerito d'a Universidat de Warwick y a suya conferencia as escuelas matan a creyatividat exposada en o congreso Tecnolochía, Entretenimiento y Disenyo, TED, ye una d'as mas comentadas. En 2010 tornó a presentar-se en TED, con o mesmo exito que en 2006.
Producción literaria Os suyos pensamientos quedan replegaus en dos obras prencipals: L'elemento: cómo trobar a tuya pasión puede cambiar-lo tot obra traducida a mas de vintiun idiomas, o espanyol entre éls, y Difuera d'as nuestras mentes: aprende a estar creativo.
Obra
1977 Learning Through Drama: Report of The Schools Council Drama Teaching Project con Lynn McGregor y Maggie Tate. UCL. Heinemann. ISBN 0435185659. 1980 Exploring Theatre and Education Heinmann ISBN 0435187813. 1982 The Arts in Schools: Principles, Practice, and Provision,. Calouste Gulbenkian Foundation. ISBN 0903319233. 1984 The Arts and Higher Education. (editor with Christopher Ball). Gulbenkian and the Leverhulme Trust ISBN 0900868899. 1986 The Arts in Further Education. Departamento d'Educación y Ciencias. 1998 Facing the Future: The Arts and Education in Hong Kong, Hong Kong Arts Development Council ASIN B002MXG93U. 1998 All Our Futures: Creativity, Culture, and Education (The Robinson Report). 2001 Out of Our Minds: Learning to Be Creative. Capstone. ISBN 1907312471. 2009 The Element: How Finding Your Passion Changes Everything, con Lou Aronica. Viking. ISBN 978-0670020478. 2013 Finding Your Element: How To Discover Your Talents and Passions and Transform Your Life, con Lou Aronica. Viking. ISBN 9780670022380.
Referencias Conferencia TED: School kills creativity. Conferencia TED: Bring on the learning revolution. L'elemento, en espanyol. Obras prencipals de Ken Robinson. «All Our Futures: Creativity, Culture, and Education». sirkenrobinson.com. 2014. Archivado dende l'orichinal o 29 de noviembre de 2015. Consultau o 13 d'agosto de 2014.
Vinclos externos Web personal de Ken Robinson.