O Frent Nacional d'a Republica Democratica Alemana (en alemán Nationale Front der Deutschen Demokratischen Republik u NF), que dica 1973 s'heba denominau como Frent Nacional d'Alemanya Democratica (en alemán: Nationale Front des Demokratischen Deutschland), estió un frent popular conformau por partius politicos y organizacions de masas d'a Republica Democratica Alemana que existió en o país entre 1950 y 1990. O NF estió dominau prencipalment por o Partiu Socialista Unificau d'Alemanya, y a coalición presentaba una sola lista a las eleccions a la Volkskammer (Cambra d'o Pueblo).Jean Solchany (2003); L'Allemagne au XXe siècle: entre singularité et normalité, Presses universitaires de France, pág. 407

Historia O Frent Nacional estió o sucesor d'o Demokratischer Block, que heba estau fundau en 1946 en a Zona d'ocupación sovietica como un Frent Popular an que s'agrupaban os partius "anti-faixistas" toleraus por as autoridaz sovieticas. O Frent de vez heba estau fundau o 30 de marzo de 1950. Funcionó a traviés d'o reparto d'una cuota de cadieras en a Volkskammer (dividius entre os partius d'o Frent y organizacions de masas controladas por o SET), presentando posteriorment una lista sola de candidatos en cada elección a la Camera d'o Pueblo y sobre a base d'una cuota pre-establida en cuenta de a traviés d'o total de votos.Eugene Register-Guard, pág. 5 (23 de octubre de 1989)Anjana Buckow (2003); Zwischen Propaganda und Realpolitik: die USA und der sowjetisch besetzte Teil Deutschlands 1945–1955, Franz Steiner Verlag, pág. 215 Como a lista d'o Frent Nacional yera a sola que se presentaba, gosaba "ganar" con livels d'emparo practicament unanime.Kurt Sontheimer & Wilhelm Bleek (1975); The Government and Politics of East Germany.

Encara que nominalment yera una coalición d'ampla base, en a practica o SET yera l'unico con verdadero poder real y en asegurar-se que os comunistas dominaban as listas, yera o SET esencialment qui predeterminaba a composición d'a Camera d'o Lugar. right|thumb|Pabellón d'o Frent Nacional en Leipzig, 1953. En 1950-1951, o refús publico d'a validez d'as listas por parte de cualques politicos alemans remató con penas de presón por "refusar a lei electoral d'a Republica Democratica Alemana" (como estió o caso d'o lider d'o LDPD, Günther Stempel). Esmediaus os anyos 50 os sectors mas "rebeldes" d'os partius miembros d'a coalición ya heban estau reducius u feitos fuera.

L'1 d'aviento de 1989, o Frent se quedó practicament impotent cuan l'Asamblea Popular suprimió a disposición d'a Constitución d'a RDA que concedeba a o SET o monopolio d'o poder.François Fejtö (1992); La Fin des démocraties populaires, Ed. Seuil, pág. 285 Cuatro días mas tarde, a Unión Cristiano Democrata y o Partiu Liberal Democratico, habendo feito fuera a os suyos liders pro-comunistas, abandonoron a coalición. O 16 d'aviento o SET estió reformau internament y se reconvirtió en o Partiu d'o Socialismo Democratico, una nueva formación que se distanció fundament d'as politicas d'o SET y se denominó a él mesmo como un partiu de socialismo democratico. O 20 de febrero de 1990 una reforma d'a Constitución de l'Alemanya oriental eliminó a mención a o Frent, desapareixendo definitivament.Peter E. Quint (1997); The Imperfect Union: Constitutional Structures of German Unification, Princeton, N.J.: Princeton University Press, pág. 37

Partius constituyents Partiu Socialista Unificau d'Alemanya (Sozialistische Einheitspartei Deutschlands, SET) Unión Democrata Cristiana d'Alemanya (Christlich-Demokratische Union Deutschlands, CDU) Partiu Liberal Democratico d'Alemanya (Liberal-Demokratische Partei Deutschlands, LDPD) Partiu Democratico Labrador d'Alemanya (Demokratische Bauernpartei Deutschlands, DBD) Partiu Nacional Democratico d'Alemanya (National-Demokratische Partei Deutschlands, NDPD)

Organizacions de masas constituyent thumb|Acto d'o FDGB dentro d'o "Frent Nacional". thumb|Acto d'a Choventut "Pionera", 1949. Organizacions de masas con representación en a Volkskammer Federación Alemana de Sindicatos Libres (Freier Deutscher Gewerkschaftsbund, FDGB) Liga de Mullers Democraticas d'Alemanya (Demokratischer Frauenbund Deutschlands, DFD) Choventut Libre Alemana (Freie Deutsche Jugend, FDJ) Asociación Cultural d'a RDA (Deutsche Kulturbund, KB) Asociación d'Aduya Mutua Labradora (Vereinigung der gegenseitigen Bauernhilfe, VdgB) Atras organizacions y asociacionsKleines Politisches Wörterbuch, Neuausgabe 1988, Dietz Verlag, Berlin Este, 1989, pág. 660 Cruz Roya Alemana d'a RDA (Deutsches Rotes Kreuz der DDR, DRK) Asociación ta l'Amistat Chermano-Sovietica (Gesellschaft für Deutsch-Sowjetische Freundschaft, DSF) Solidaridat popular (Gesellschaft für Sport und Technik, GST) Organización de Pioners Ernst Thälmann (Pionierorganisation Ernst Thälmann, TP) Asociación pa o Esporte y a Tecnolochía (Gesellschaft für Sport und Technik, GST) Asociación d'Escritors d'a RDA (Schriftstellerverband der DDR) Domowina (Liga de Sorbios)

Se veiga tamién Gubierno y politica d'a Republica Democratica Alemana Historia d'a Republica Democratica Alemana

Referencias

Vinclos externos

Categoría:Politica d'Alemanya Categoría:Republica Democratica Alemana