A primera mutación consonantica ye una modificación fonetica que afectó a las consonants oclusivas d'o proto-indoeuropeu en as luengas chermanicas (por ixo ye a sobén conoixida por o suyo nombre en alemán: erste germanische Lautverschiebung) y a l'armenio. Se sitúa o proceso arredol d'o sieglo V aC.
As suyas modificacions son descritas por as leis de Grimm y de Verner (de feito, a sobén s'asimila a la primera d'istas, en estar-ne a segunda un simple refinamiento que'n explica bellas excepcions).
D'entre as luengas chermanicas, bels dialectos meridionals d'a branca occidental sufrirán encara una nueva modificación fonetica que se diz segunda mutación consonantica, apareixindo asinas l'alto alemán (base de l'alemán estándard).
Se veiga tamién Segunda mutación consonantica
Categoría:Luengas chermanicas Categoría:Leis foneticas