Os conchuncions concesivas en francés se fan servir en a subordinación pa introducir unas proposicions que s'oposan a l'acción principal expresada en a oración principal Gramática francesa. Larousse Editorial, S.A, 2000. p 190-191. y creyar oracions concesivas.

Dezaga de muitas conchuncions concesivas o verbo ye en subchuntivo, encara que as conchuncions même si y sauf que van siempre con o verbo en indicativo.

Conchuncions concesivas seguidas de subchuntivo As principals conchuncions y locucions conchuntivas concesivas seguidas d'o subchuntivo son: Bien que. Encore que. Loin que. Malgré que. Quoique. Quelque...que (con adchectivos u adverbios). Si...que (con adchectivos u adverbios). Quelque...que (con substantivos).

Bien que A conchunción bien que va seguida de verbos en subchuntivo y equivale a l'aragonés encara que u anque cuan va seguido d'o indicativo. Se refieren a un feito prou real u imposible de cambiar: Bien qu'il soit encore tôt, il faut voir le bétail. Anque encá ye luego, cal dar güelta a'l ganau BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN978-84-8094-061-0, p 80..

Quoique A conchunción quoique tien o mesmo significau que bien que: Quoiqu'il pleuve, je sortirai.

Encore que Presenta una forma pareixida a l'aragonés encara que, manimenos o suyo uso s'ha iu restrinchindo sobre tot a proposicions con verbos en subchuntivo. Ils ne pourraient pas le faire encore qu'ils veulent. No podrían fer-lo encara que queresen.

Malgré que A conchunción malgré que presenta o mesmo significau que bien que: D'après ce que je vois et malgré que le secteur soit plus violent, je crois que nous y risquons beaucoup moins qu'ailleurs.

Quelque...que Se fa servir acompanyada d'adchetivos d'adverbios u de substantivos.

Si...que Se fa servir acompanyada d'adchectivos u d'adverbios.

Pour...que Se fa servir acompanyada d'adchectivos. Pour débrouillard qu'il soit, ça ne lui servira à rien. Per espabilau que siga no le valdrá ta res. José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003, p 297.

Conchuncions concesivas seguidas d'indicativo Las conchuncions concesivas seguidas d'indicativo pueden indicar feitos reals u feitos hipoteticos u dubdosos.

Las que indican feitos reals y van seguidas de verbos en indicativo son alors que y tandis que.

Las que indican feitos hipoteticos u dubdosos y van seguidas d'un verbo en indicativo son même si y sauf que.

Alors que La conchunción alors que significa a pesar de y se fa servir cuan los subchectos de las dos proposicions coinciden.

Tandis que La conchunción tandis que significa a pesar de y se fa servir cuan los subchectos de las dos proposicions no coinciden.

Même si La conchunción même si va seguida de verbos en indicativo y equivale a la conchunción mismo si en benasqués, Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 331. que no s'ha documentau en aragonés cheneral pero que podría existir baixo la forma mesmo si. Même si tu y vas maintenant, tu ne l'y trouveras plus. Mismo s'i vas ara, ya no l'i trobarás.

Sin tener en cuenta la estructura debantdita, la conchunción encara que u anque cuan va seguida de subchuntivo tiene la mesma función en feitos hipoteticos u dubdosos: Je dois aller à ce lieu hanté...même si le chemin est glissant. Me'n he d'ir a ixe puesto encantau...anque'l camino seiga esbarizoso. Bienvenido Mascaray Sin: Benas, trallo y fuellas: poemas en aragonés ribagorzano de Campo. Editor: Publicazions d'o Consello d'a Fabla Aragonesa, 1984. ISBN 8486036054, 9788486036058. p 96.

Sauf que La locución conchuntiva sauf que indica excepción u reserva: Il est bien remis de son accident, sauf qu'il se fatigue rapidement à marcher.

Conchuncions concesivas seguidas de condicional As principals locucions conchuntivas concesivas seguidas de condicional son: Quand même. Lors même que.

Quand (bien) même A conchunción quand même u quand bien même se fa servir con feitos hipoteticos u dubdosos: Quand bien même je vivrais deux cents ans je ne le verrais pas. Anque vivís doscientos anyos no'l veyerí Chabier Lozano Sierra, Ánchel Loís Saludas: Aspectos morfosintácticos del belsetán, 2005, Gara d'Edizions, pp 150-151..

Lors même que Ye un sinomimo de l'anterior.

Referencias

Bibliografía Bienvenido Mascaray Sin: Benas, trallo y fuellas: poemas en aragonés ribagorzano de Campo. Editor: Publicazions d'o Consello d'a Fabla Aragonesa, 1984. ISBN 8486036054, 9788486036058. Gramática francesa. Larousse Editorial, S.A, 2000. Jesús Cantera y Eugenio de Vicente: Gramática francesa. Editorial Cátedra, S.A., 1999. Chabier Lozano Sierra, Ánchel Loís Saludas: Aspectos morfosintácticos del belsetán, 2005, Gara d'Edizions. Jacky Girardet, Jean-Marie Cridlig: Panorama Plus 1 Méthode de français. Santillana-Clé International, 1996. Jacqueline Picoche y Jean-Claude Rolland: Dictionnaire étymologique du français. Dictionnaires Le Robert, 2009. ISBN 2849024244, 9782849024249. Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015. Maïa Grégoire, Odile Thiévenaz: Grammaire progressive du français. Clé International, 2002.

Concesivas Frances