As conchuncions de tiempo en aragonés se fan servir pa introducir unas proposicions subordinadas temporals, que indican circumstancias que preceden, siguen u acompanyan a l'acción d'a proposición principal.

Un adverbio de tiempo seguiu d'a conchunción u relativo que forma locucions conchuntivas de tiempo José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003, pp 288-296..

As conchuncions y locucions conchuntivas de tiempo van seguidas d'un verbo en indicativo u en subchuntivo. A tendencia cheneral ye que si s'expresa o pasau u o present o verbo va en indicativo. Si lo que s'expresa ye o futuro, o verbo gosa ir en subchuntivo. Manimenos, pa expresar una acción futura en aragonés medieval tamién se feba servir o futuro simple d'indicativo, y encara queda vestichios d'este antigo uso en belsetán Chabier Lozano Sierra, Ánchel Loís Saludas: Aspectos morfosintácticos del belsetán, 2005, Gara d'Edizions, p 108, pp 148-149., y sobre tot en benasqués dezaga de cuan en as subordinadas temporal de posterioridat.

Anterioridat L'anterioridat s'expresa con locucions conchuntivas como antes que y dica que seguidas d'un verbo en subchuntivo: Antes que te'l diga ella di-le-ne tú. BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN978-84-8094-061-0, pp 80-81, p 232, p 355. Antes que la malmete, crema-la. Antes que no piensas las farán. Dica que no sía la hierba bien ixeca no la podremos foter en el soler.

Simultaneidat A simultaneidat se puede dividir en simultaneidat simple, simultaneidat momentania, simultaneidat de duración, simultaneidat progresiva y simultaneidat concomitant Jesús Cantera y Eugenio de Vicente: Gramática francesa. Editorial Cátedra, S.A., 1999. pp 265-266..

A simultaneidat simple y a simultaneidat momentania s'expresan con conchuncions como cuan y mentre que seguidas d'un verbo en indicativo: Cuan el pistaban els civils, feba coma que pllegaba moixardons.

A simultaneidat progresiva se puede expresar con a mesura que: Ves dand-les-ie a mesura que las tallas.

A simultaneidat de duración se puede expresar con entre que/d'entre que y mientras que/mientres que/mentre que: Mentre que comprabe els encargos, se dibe ta ella.... D'entre que veigo la tele como pipas. Entre que llegue María podem parlar un rato mas. Mincha-ne entre que en quergues. Ves-ie entre que puescas. Mientres que des. Mentres que voi tu te'n vas.

A locución conchuntiva mientras que/mientres que ye exclusivament temporal y no indica substitución ni oposición. BARCOS, Miguel Ánchel, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007, pp 141-143, pp 224-224.

Posterioridat A posterioridat s'expresa con conchuncions y locucions conchuntivas como cuan, malas que, dimpués que, dende que, etcetera. A conchunción cuan puede ir seguida d'o futuro simple en benasqués, lo que ye un herencio d'usos antigos en aragonés medieval comuns con as luengas galorromanicas: Cuan vusaltros i anirets ya no fará falta. Cuan arribarem a'l tresvío de Vaticielles, deixarem el camino que va a la Renclusa.

Si en a oración composada os tiempos son en futuro se puede fer servir a oposición futuro simple-futuro perfecto pa expresar l'orden temporal. Cuan tu vinrás, yo ya haré tornau.

A locución conchuntiva dimpués que ye una d'as mes comuns, manimenos tiende a estar sustuita por dispués que: Dimpués que marchés. Chabier Tomás Arias: El aragonés del Biello Sobrarbe. Instituto de Estudios Altoaragoneses (1999), p151, pp 159-160. Dimpués que le-hu heba dito, me va penar. Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 45, p 125. Dispués que l'heba deixau ha tornau en ella.

A locución conchuntiva dende que tamién ye común: No me charra dende que le'n diciei. No llevante cabeza dende que va caire. Pus no ha plloviu poco dende que tú dices. Mascaray Sin, Bienvenido: Vocabulario del habla de Campo (Ribagorza, Huesca). Xordica Editorial, 2014, p 131, p 234.

A locución conchuntiva malas que expresa una posterioridat immediata, l'acción d'a oración principal ye inmediatament posterior a d'a proposición subordinada: Ye mui aturadera, malas que la van empezar a sacar engalzaba las gallinas. Os ferfetz, malas que llega o tiempo se quitan a camisa. Malas que mos van vere vinre, se van escapar. Malas que rompa a bullir l'aigua, pararem la mesa de comer.

Referencias

Bibliografía BARCOS, Miguel Ánchel, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007. Chabier Lozano Sierra, Ánchel Loís Saludas: Aspectos morfosintácticos del belsetán, 2005, Gara d'Edizions. BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN978-84-8094-061-0. Chabier Tomás Arias: El aragonés del Biello Sobrarbe. Instituto de Estudios Altoaragoneses (1999). José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003. Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. Mascaray Sin, Bienvenido: Vocabulario del habla de Campo (Ribagorza, Huesca). Xordica Editorial, 2014. Gramática francesa. Larousse Editorial, S.A, 2000. Jesús Cantera y Eugenio de Vicente: Gramática francesa. Editorial Cátedra, S.A., 1999. Jacqueline Picoche y Jean-Claude Rolland: Dictionnaire étymologique du français. Dictionnaires Le Robert, 2009. ISBN 2849024244, 9782849024249. Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015.

Tiempo Aragones