Grace Francis Thorpe u No Ten O Quah ("muller que bufa con o poder de l'aire antes d'a tronada") , naixita d'Oklahoma, o 10 d'aviento de 1922 y muerta l'1 d'abril de 2008 en Claremore, Oklahoma, estió una activista amerindia d'os Fox & Sawk .«Grace Thorpe». Noticia de su muerte en el Boston Globe
Yera descendent directa d'o chefe Black Hawk d'os Fox & Sawk, hereders d'as tradicions Potawatomi, Kickapoo, y Menominee, tamién yera filla d'o esportista Jim Thorpe, y mai de Dagmar Thorpe, conoixida activista y intelectual.
Aconsiguió una licenciatura en a Universidat de Tennessee en Knoxville y un grau paralegal en a Escuela de Dreito de Antioquía en Washington.
Tamién estió chuez de tribunal de distrito tribal y veterana d'a Segunda Guerra Mundial, en a que sirvió como cabo en o Cuerpo de mullers de l'exercito en Filipinas y Chapón. Le concedioron una Estrela de bronce por as suyas accions en a batalla de Nueva Guinea.
Partecipó y lideró, chunto a o tamién amerindio mohawk, Richard Oakes a ocupación d'a garchola d'Alcatraz por l'AIM o 9 de noviembre de 1969.«N. Scott Momaday Presents Grace Thorpe with the 1999 Nuclear-Free Future Resistance Award».
Tamién luitó por o retorno d'as medallas olimpicas arrebatadas a su pai de forma inchusta, y a inclusión d'as suyas marcas en as listas de records mundials. En 1991 funda y diriche a National Environmental Coalition of Native Americans (NECONA) ta luitar en contra d'as centrals nuclears en territorio indio.
Referencias
Categoría:Amerindios Categoría:Militars d'Estaus Unius d'a Segunda Guerra Mundial Categoría:Muertos en Oklahoma Categoría:Naixius d'Oklahoma Categoría:1921 (naixencias) Categoría:2008 (muertes)