O río Lopín ye un arrigacho d'as provincias de Zaragoza y de Teruel, que ye afluent d'o río Ebro por a suya marguin dreita. Tiene lo suyo naixedero en lo manantial de Codo en a mesma localidat de Codo.
Riega os termins municipals de Codo, Belchit, Almochuel, Quinto, Zaila y La Zaida. Entre Quinto y Zaila fa de muga entre as provincias de Zaragoza y Teruel.
Desemboca cerca de La Zaida, directament sobre o cauz d'o río Ebro (no como o suyo vecín río lo Chiner), estando catalogada sin d'embargo como intercuenca diseminada d'Ebro por a Confederación Hidrografica d'Ebro, feito considerau por o difuso primer tramo d'o Lopín que ye canalizau por as ceicas y conduccions d'o regano de Codo y Belchit.
Gran parti d'os campos que fan ribera con o Lopín son secanos, principalment en o suyo tramo medio y final, exceptuando os d'o tramo inicial y os que bi ha a poquez metros antis d'a suya desembocadura.
Cheomorfolochía O Lopín desemboca en o cauz d'o río Ebro, debant d'una mechana d'Ebro dita en a cartografía como Finca de Cierros, auguas debaixo d'o parache conoixiu como Casa de las Norias. Casa de las Norias. La Zaida. SIPCA Ista mechana ye mantenida por a existencia d'un azut de construcción documentada en 1850, anque debió seguir un trazau anterior. Asinas, l'azut daría uso a un antigo molín, deixau en desuso durant o sieglo XX, que dió paso a una chiqueta central hidroelectrica, actualment operativa. Azud. La Zaida. SIPCA
Toponimia O hidronimo Lopín ye muito interesant, ya que Lopín puet querer dicir río lo pin, estando un probable caso de fosilización de l'articlo definiu aragonés.
En un texto de 1345 se nombra como reguero Salado de lo Pin u reguero de Lopín:
Los nombres actuals son barranco (de) Lopín, arroyo Lopín y río Lopín.
Notas y referencias
Vinclos externos Intercuencas diseminadas del Ebro. Ríos Ginel y Lopín (C. H. E.)
Lopín Lopín Lopín Lopín Lopín Lopín